Last Updated:
அமெரிக்கா அதிபர் டிரம்ப், இந்தியாவுக்கு 25% வரி விதிப்பதாக அறிவித்துள்ளார்.
இந்தியாவுக்கு 25 சதவீதம் வரி விதிப்பதாக அமெரிக்கா அதிபர் டொனால்ட் டிரம்ப் தெரிவித்துள்ளார். மேலும், இந்த வரிவிதிப்பு வரும் ஆகஸ்ட் 1ஆம் தேதி முதல் அமலுக்கு வரும் எனவும் தெரிவித்துள்ளார்.
இது குறித்து அவர் தனது சமூக வலைதளப் பக்கத்தில், “இந்தியா, அமெரிக்காவின் நட்பு நாடாக இருந்தாலும், அவர்களின் வரிவிகிதங்கள் மிக அதிகமாக இருப்பதால் பல ஆண்டுகளாக ஒப்பீட்டளவில் குறைந்த அளவிலான வியாபாரத்தையே இந்தியாவுடன் செய்துவருகிறோம்.
பணம் அற்ற வர்த்தக தடைகளில் இந்தியாவில் இருப்பதுபோல், வேறு எந்த நாட்டிலும் கடுமையான போக்கு இல்லை. இந்தியா தனது ராணுவ உபகரணங்களில் பெரும்பகுதியை ரஷ்யாவிலிருந்தே வாங்கியுள்ளது.
US President Donald Trump announces 25% tariffs on India starting August 1st.
Posts, “Remember, while India is our friend, we have, over the years, done relatively little business with them because their Tariffs are far too high, among the highest in the World, and they have the… pic.twitter.com/eqVj981lGD— ANI (@ANI) July 30, 2025
ரஷ்யா, உக்ரைன் மீதான தாக்குதலை நிறுத்த வேண்டும் என அனைவரும் விரும்பும் நிலையில், ரஷ்யாவிடம் இருந்து பெரிய அளவில் எரிபொருள் வாங்கும் நாடுகளில் சீனாவைப்போல் இந்தியாவும் உள்ளது.
இவை எதுவும் நல்லதல்ல. எனவே இந்தியா மீது 25% வரி விதிக்கப்படுகிறது. இந்த வரி விதிப்பு ஆகஸ்ட் 1ஆம் தேதி முதல் அமலுக்கு வரும்” எனத் தெரிவித்துள்ளார்.
July 30, 2025 6:03 PM IST
