100% வாக்களிப்பை வலியுறுத்தி விழிப்புணர்வு:
நாடாளுமன்ற தேர்தலில் 100% வாக்களிப்பை வலியுறுத்தி பொதுமக்களிடையே வாக்காளர் விழிப்புணர்வு கையெழுத்து பிரச்சாரத்தை மதுரை மாவட்ட ஆட்சியர் அலுவகல வளாகத்தில் மாவட்ட தேர்தல் அலுவலரும், மாவட்ட ஆட்சியருமான சங்கீதா இஆப தொடங்கி வைத்தார்.
மதுரை மாவட்ட ஆட்சியர் பேட்டி:
தொடர்ந்து செய்தியாளர்களை சந்தித்த மதுரை மாவட்ட ஆட்சியர் சங்கீதா கூறியதாவது, மதுரையில் பறக்கும் படை பறிமுதல் செய்த 18 கோடி ரூபாய் மதிப்புள்ள 29.70 கிலோ தங்கம் மற்றும் வைர நகைகள் வருமான வரித்துறை இடம் ஒப்படைக்கப்பட்டுள்ளது.
18 கோடி ரூபாய் மதிப்புள்ள நகைகள்:
நகைகளை எடுத்து வந்த நிறுவனத்தினர் உரிய ஆவணங்களை ஒப்படைக்காததால் பறிமுதல் செய்யப்பட்ட நகைகள் வருமானவரித்துறை இடம் ஒப்படைக்கப்பட்டுள்ளது.
மாவட்டம் முழுவதும் தீவிர வாகன சோதனை:
மதுரை மாவட்டம் முழுவதும் தீவிர வாகன சோதனை நடத்தி ஆவணங்கள் இன்றி எடுத்துச் செல்லப்படும் பணம் பொருட்கள் பரிந்துரை செய்யப்பட்டு வருகிறது.
மதுரை வாக்கு எண்ணிக்கை மையம்:
மதுரை வாக்கு எண்ணிக்கை மையம் குறித்து 22 ஆம் தேதி முடிவு தெரியவரும். 22 ஆம் தேதி உயர்நீதிமன்ற வழக்கு விசாரணையில் தேர்தல் ஆணையம் மதுரை மருத்துவக் கல்லூரியில் வாக்கு எண்ணிக்கை மையம் அமைப்பது குறித்து பதில் அளிக்க உள்ளனர்.
முன்னதாக நாடாளுமன்றத் தேர்தல் அறிவிக்கப்பட்ட பிறகு இரவு முதல் மதுரை மாவட்டத்தில் மதுரை, விருதுநகர், தேனி ஆகிய 3 நாடாளுமன்ற தொகுதிகளுக்கு உட்பட்ட 10 சட்டமன்ற தொகுதிகளுக்கு உட்பட்ட பகுதிகளிலும் பறக்கும் படையினர் தீவிர வாகன சோதனையில் ஈடுபட்டு வருகின்றனர். ஒவ்வொரு சட்டமன்ற தொகுதிக்கும் தலா 3 பறக்கும் படையினர் மற்றும் 3 நிலையான கண்காணிப்புக்குழு மற்றும் வீடியோ கண்காணிப்பு குழு ஆகியோருடன் இணைந்து ஒவ்வொரு பகுதிகளிலும் தீவிர சோதனையில் ஈடுபட்டுவருகின்றனர்.
வாகன தணிக்கையின்போது காவல்துறையினர் மற்றும் வருவாய்துறை அதிகாரிகள் அடங்கிய பறக்கும்படையினர் 49ஆயிரம் ரூபாய்க்கு மேல் உரிய ஆவணங்கள் இன்றி பணம் எடுத்து வந்தால் உடனடியாக பறிமுதல் செய்வதற்கான நடவடிக்கைகளை மேற்கொள்கின்றனர். மேலும் 49ஆயிரத்திற்கு அதிகமான பணம் எடுத்துவந்தால் உரிய ஆவணங்களை காண்பித்து பின்பு பணத்தினைபெற்று செல்வதற்கான சிறப்பு குழுவானது அமைக்கப்பட்டிருக்கிறது
அதேபோன்று வாகனங்களில் அரசியல் கட்சி சார்ந்த கொடிகள் கட்டப்பட்டிருந்தால் உடனடியாக அகற்றப்பட்டுவருகிறது. சரக்கு வாகனங்களில் வாக்காளர்களுக்கு ஏதனும் பரிசுப்பொருட்கள் எடுத்துசெல்லப்படுகிறதா? எனவும் சோதனை நடத்தி வருகின்றனர்.
காவல்துறை தரப்பில் தேர்தல் நடத்தை விதிகள் குறித்து உரிய அறிவுரைகள் பிறப்பிக்கப்பட்டு விதிகளை மீறி ஆவணங்கள் இன்றி பொருட்கள் எடுத்துவந்தால் பறிமுதல் செய்யப்பட்டு வருகின்றன
அதேபோன்று ஒவ்வொரு பகுதிகளிலும் உள்ள அரசியல் கட்சி அலுவலகங்கள் , சட்டமன்ற நாடாளுமன்ற அலுவலகங்கள் உள்ளிட்ட பல்வேறு பகுதிகளிலும் நிலையான கண்காணிப்பு குழுவினர் தீவிர கண்காணிப்பில் ஈடுபட்டுவருகின்றனர்
