அதுமட்டுமின்றி, கடந்த 10 ஆண்டுகளில் தானே, நீலம், மடி, வர்தா, ஓக்கி, கஜா, நிவர் போன்ற புயல் பேரிடர்களின்போது தொற்றுநோய் பரவாமல் இருக்க பல்வேறு முன் எச்சரிக்கை நடவடிக்கைகளை எடுத்தனர்.
ஆனால் தற்போது மு.க.ஸ்டாலின் ஆட்சிக்கு வந்த பிறகு 2022 ,2023 ஆகிய ஆண்டுகளில் ஏற்பட்ட புயல்களில் நோய் தடுப்பு நடவடிக்கைகளை சரியாக எடுக்காமல் இருந்ததால், பல்வேறு தொற்று நோய் ஏற்பட்டு மக்கள் பாதிப்பு அடைந்தனர்.
டெங்கு நோய் பரவுவது அதிகரித்துள்ளது..
தற்போது டெங்கு நோய் பரவுவது அதிகரித்துள்ளது. சென்னை, கோவை, கிருஷ்ணகிரி, திருப்பூர், திருவள்ளூவர், தேனி ,மதுரை, நெல்லை, தஞ்சாவூர், திருச்சி ஆகிய மாவட்டங்களில் கடுமையாக பாதிப்பு ஏற்பட்டது. இந்த 8 மாதத்தில் மட்டும் 15,000 பேர் பாதிக்கப்பட்டுள்ளதாக அரசு தரப்பில் தெரிவித்தாலும், அரசின் கணக்கை விட இன்னும் கூடுதலாக பாதிப்பு ஏற்பட்டுள்ளதாக மருத்துவ வட்டாரங்கள் தெரிவிக்கிறது.
தமிழகத்தில் அதிக பாதிப்பு..
டெங்குவால் ஏழு பேர் பலியாகி உள்ளனர், பொதுவாக டெங்கு கொசு என்பது ஒரே நேரத்தில் ஆறு பேரை கடித்து பாதிப்பை ஏற்படுத்தும். ஏற்கனவே குஜராத், ராஜஸ்தான் போன்ற மாநிலங்களில்தான் அதிக பாதிப்பு இருந்தது. தற்போது அந்த மாநிலங்களைக் காட்டிலும் தமிழகத்தில் அதிக பாதிப்பு ஏற்பட்டுள்ளதாக மருத்துவர்கள் கூறுகிறார்கள்.
தற்போது வடகிழக்கு பருவமழை ஆரம்பித்துவிட்டது. பல்வேறு முன்னெச்சரிக்கை நடவடிக்கை எடுத்ததாக வழக்கம் போல பத்திரிகை செய்தியை அரசு வெளியிட்டுள்ளது, குறிப்பாக இதுபோன்ற காலங்களில் எலி காய்ச்சல், காலரா, டைபாய்டு, மலேரியா, டெங்கு உள்ளிட்ட காய்ச்சல்கள் அதிகமாக பரவும்.
