Last Updated:
இதுவரை நாடு முழுவதும் மொத்தம் 1,338 பஞ்சாயத்து கூட்டங்கள் வெற்றிகரமாக ஏற்பாடு செய்யப்பட்டுள்ளன
வளர்ச்சியடைந்த இந்தியாவுக்கான வேலைவாய்ப்பு உறுதி மற்றும் கிராமப்புற வாழ்வாதார இயக்க சட்டம் 2025-ஐ (விபி-ஜி ராம் ஜி) திறம்படச் செயல்படுத்துவதற்கும், பஞ்சாயத்து ராஜ் அமைப்புகளின் தேர்ந்தெடுக்கப்பட்ட பிரதிநிதிகள், அலுவலர்களுக்கு வழிகாட்டுவதற்கும் ஏற்பாடு செய்யப்பட்ட, நாடு தழுவிய மாவட்ட அளவிலான இயக்கம் குறிப்பிடத்தக்க வெற்றியை அடைந்துள்ளது.
பஞ்சாயத்து ராஜ் அமைப்புகளின் மூன்று நிலைகளிலும் உள்ள தேர்ந்தெடுக்கப்பட்ட பிரதிநிதிகள், அலுவலர்களுக்கு, சட்டத்தின் விதிகள், அத்துடன் அவர்களின் பங்களிப்பு, பொறுப்புகள் குறித்து அறிமுகப்படுத்துவதற்காக பஞ்சாயத்து பிரதிநிதிகள் கூட்டங்களுக்கு ஏற்பாடு செய்யுமாறு ஊரக மேம்பாட்டு அமைச்சகம் மாநிலங்கள், யூனியன் பிரதேசங்களைக் கேட்டுக்கொண்டிருந்தது.
இதுவரை நாடு முழுவதும் மொத்தம் 1,338 பஞ்சாயத்து கூட்டங்கள் வெற்றிகரமாக ஏற்பாடு செய்யப்பட்டுள்ளன. இதன்மூலம், 5.26 லட்சத்திற்கும் மேற்பட்ட பஞ்சாயத்து ராஜ் பிரதிநிதிகள், அலுவலர்கள், அதிகாரிகள், பணியாளர்களின் பங்கேற்பு உறுதி செய்யப்பட்டுள்ளது.
இதுவரை, 23 மாநிலங்களும் யூனியன் பிரதேசங்களும் தங்களின் திட்டமிடப்பட்ட பஞ்சாயத்து பிரதிநிதிகள் கூட்டங்களை நிறைவு செய்துள்ளன. இவற்றில் ஆந்திரப் பிரதேசம், அசாம், பீகார், சத்தீஸ்கர், கோவா, குஜராத், ஹரியானா, இமாச்சலப் பிரதேசம், கர்நாடகா, கேரளம், மிசோரம், நாகாலாந்து, பஞ்சாப், சிக்கிம், தமிழ்நாடு, தெலங்கானா, திரிபுரா, உத்தராகண்ட், மேற்கு வங்கம், அந்தமான், நிக்கோபார் தீவுகள், தாத்ரா, நாகர் ஹவேலி, டாமன், டையூ, ஜம்மு, காஷ்மீர், புதுச்சேரி ஆகியவை அடங்கும்.
