திண்டுக்கல் மாவட்டம், பழனி கீரனூர் காவல் எல்லைக்குட்பட்ட மானூர் ஊராட்சி ஒன்றிய தொடக்கப் பள்ளியில் 120-க்கும் மேற்பட்ட மாணவ, மாணவிகள் பயின்று வருகின்றனர். காலாண்டு மற்றும் முதல் பருவத் தேர்வு விடுமுறை முடிந்து கடந்த 5-ம் தேதி திங்கட்கிழமை பள்ளி திறக்கப்பட்டபோது, மாணவர்களுக்கான சின்டெக்ஸ் குடிநீர் தொட்டியில் அடையாளம் தெரியாதவர்கள் மலம் கழித்து அசுத்தப்படுத்தியிருப்பது கண்டறியப்பட்டது.
குழந்தைகளின் உயிருக்கே உலைவைக்கும் இத்தகைய செயலை உயர் அதிகாரிகளுக்கோ, பெற்றோர்களுக்கோ தெரிவிக்காமல், பள்ளித் தலைமை ஆசிரியர் ஜெயக்குமார் தொட்டியை பிளீச்சிங் பவுடர் போட்டுக் கழுவிவிட்டு இரண்டு நாள்களாக மூடி மறைத்துள்ளார்.
