“நான் என்ன மெத்தபெட்டைன் விற்றேனா?” -சிறையில் அடைக்கப்பட்ட நாம் தமிழர் கார்த்திகா ஆவேசம்! | “Did I sell methamphetamine?” – asks an incensed Karthika, a ‘Naam Tamilar’ candidate, while in prison.

திருப்பூர் மாவட்டம் தாராபுரம் (தனி) தொகுதி இடைத்தேர்தலில் நாம் தமிழர் கட்சி வேட்பாளராகப் போட்டியிட்டவர் கார்த்திகா. அக்கட்சியின் மகளிர் பாசறை மாநில ஒருங்கிணைப்பாளரான இவர் ஆளுங்கட்சிக்கு எதிராகத் தீவிர தேர்தல் பரப்புரையில் ஈடுபட்டு வந்தார்.

தேர்தல் பரப்புரை விவகாரம் தொடர்பாக தாராபுரம் காவல்நிலையத்தை முற்றுகையிட்டது, முதலமைச்சர் ரோடு ஷோ செல்லும் பாதையில் மறியலில் ஈடுபட்டது போன்ற செயல்களுக்காக கார்த்திகா உள்ளிட்ட 12 பேர் மீது காவல்துறையினர் வழக்குப்பதிவு செய்தனர்.

இந்த நிலையில், கோவையில் உள்ள இல்லத்தில் தங்கியிருந்த கார்த்திகா அவரின் கணவர் உள்ளிட்ட சிலரை நேற்று அதிகாலை காவல்துறையினர் திடீரென கைது செய்தனர். இரவு உடையுடன் தாராபுரம் அழைத்துச் செல்லப்பட்ட கார்த்திகாவிடம் பல மணி நேரம் விசாரணை நடத்தினர்.

மருத்துவப் பரிசோதனைக்கு உட்படுத்தப்பட்ட கார்த்திகா உள்ளிட்டோரை தாராபுரம் நடுவர் நீதிமன்றத்தில் ஆஜர்படுத்தி 15 நாள் நீதிமன்றக் காவலில் கோலை மத்திய சிறையில் அடைத்துள்ளனர். கார்த்திகா மீதான காவல்துறையின் இந்த நடவடிக்கைக்குப் பல்வேறு தரப்பில் இருந்தும் எதிர்ப்புகள் வலுத்து வருகின்றன.