Last Updated:
உத்தரகாண்டில் பத்ரிநாத்தில் இருந்து டேராடூன் சென்ற ஹெலிகாப்டர் மாயமானது.
உத்தரகாண்டில், பத்ரிநாத்தில் இருந்து டேராடூனை நோக்கி ஐந்து பயணிகளுடன் சென்ற ஹெலிகாப்டர் ஒன்று மாயமாகியிருப்பது பெரும் அதிர்ச்சியை ஏற்படுத்தியுள்ளது. இதில், விமானி உட்பட ஐந்து பேரும் பலியாகியிருக்கலாம் எனவும் அஞ்சப்படுகிறது.
உத்தரகாண்ட், பத்ரிநாத் தாமிற்கும் ஜோஷிமத்திற்கும் இடையே இயக்கப்பட்ட தனியார் ஹெலிகாப்டர் மோசமான வானிலை காரணமாக சமோலி மாவட்டத்தில் தொடர்பை இழந்தது. இதனைத் தொடர்ந்து, மாவட்ட நிர்வாகமும் பாதுகாப்புப் படையினரும் தேடுதல் பணியைத் தொடங்கியுள்ளனர்.
இந்த விமானத்தில், விமானி கேப்டன் ஹிமான்ஷு சபர்வால் உட்பட பயணிகள் அருண் சலுன்கே, எச்.எஸ். நாகராஜா, பிரதாப பச்சிஹள்ளி நிங்கராஜன், சுதீர் கே. மற்றும் சங்கர்கௌடா வி.பி. ஆகியோரும் பயணித்திருப்பது தெரியவந்துள்ளது.
#WATCH | Uttarakhand: A team from the district administration is currently searching for the missing helicopter travelling from Badrinath to Dehradun.
Smoke was seen rising near Chaien village in Joshimath, following the disappearance of the helicopter. There are six people on board the helicopter, including five passengers and one pilot: Chamoli district administration— ANI (@ANI) October 30, 2026
காணாமல் போன விமானத்தைக் கண்டறிய மாவட்ட நிர்வாகம் நடவடிக்கைகளைத் தொடங்கியிருக்கிறது. காணாமல் போன ஹெலிகாப்டரைத் தேடும் குழுவினருக்கு அதன் சிதைந்த பாகங்கள் தென்பட்டன. இது, அந்த விமானம் விபத்துக்குள்ளாகியிருக்கலாம் என்ற அச்சத்தை ஏற்படுத்தியுள்ளது.
இருப்பினும், விபத்துக்குள்ளான இடத்தின் துல்லியமான விவரங்கள் மற்றும் அதில் பயணித்தவர்களின் நிலை குறித்தான தகவல்கள் எதுவும் இதுவரை கிடைக்கவில்லை.
