Last Updated:
அரபிக்கடலில் 3,000 கோடி ரூபாய் மதிப்பிலான 526 கிலோ போதைப்பொருள் கடத்தலை இந்திய கடலோரக் காவல்படை முறியடித்தது. பாகிஸ்தானைச் சேர்ந்த 5 பேர் கைது செய்யப்பட்டு மும்பைக்கு அழைத்துச் செல்லப்பட்டனர்.
அரபிக்கடலில் சுமார் 3 ஆயிரம் கோடி ரூபாய் மதிப்பிலான போதைப்பொருள் கடத்தலை முறியடித்த இந்திய கடலோரக் காவல்படை, பாகிஸ்தானை சேர்ந்த 5 பேரை கைது செய்தது.
அரபிக்கடல் வழியாக மிகப்பெரிய போதைப் பொருள் கடத்தப்பட இருப்பதாக குஜராத் பயங்கரவாத தடுப்புப் படைக்கு ரகசிய தகவல் கிடைத்தது. அதன் அடிப்படையில், இந்திய கடலோரக் காவல்படையின் உதவியை நாடிய பயங்கரவாத தடுப்பு படை, வான் வழியாக கண்காணிப்பை தீவிரப்படுத்தியது. அப்போது, சந்தேகத்தை ஏற்படுத்திய ஈரானை சேர்ந்த தோ என்னும் படகை நடுக்கடலில் விரட்டி சென்ற அதிகாரிகள் லட்சத்தீவிற்கு மேற்கே சுற்றி வளைத்து சோதனையில் ஈடுபட்டனர்.
In an intelligence-led joint operation with ATS Gujarat, and Central Intelligence Agency, @IndiaCoastGuard units interdicted a suspicious Iranian dhow in the Arabian Sea, west of #Lakshadweep. Positive detection, sustained tracking and a hot pursuit culminated in tactical… pic.twitter.com/p2BthJvndS
— Indian Coast Guard (@IndiaCoastGuard) September 30, 2026
அதில், சுமார் 3 ஆயிரம் கோடி ரூபாய் மதிப்பிலான 526 கிலோ உயர்த்தர போதைப் பொருட்கள் இருப்பது உறுதி செய்யப்பட்டது. அதனை பறிமுதல் செய்த அதிகாரிகள், படகில் இருந்த பாகிஸ்தானை சேர்ந்த 5 பேரை கைது செய்து மும்பைக்கு அழைத்து சென்றனர். இதன் பின்னணியில் உள்ள கும்பல் குறித்து தீவிர விசாரணை நடைபெற்று வருகிறது.
