கோவை கொடிசியா மைதானத்தில் “ருசியும் இசையும்” என்ற பெயரில், உணவு திருவிழா நடைபெற்று வருகிறது. நேற்று தொடங்கிய இந்த உணவு திருவிழா நாளை வரை நடைபெற உள்ளது. பிரம்மாண்ட பொழுதுபோக்கு அரங்குகள் அமைக்கப்பட்டிருக்கின்றன.
கோவை கொடிசியா மைதானத்தில் தனியார் வானொலி சார்பாக “ருசியும் இசையும்” என்ற உணவு திருவிழா நடைபெற்று வருகிறது. கொங்கு நாட்டில் சமைக்கப்படும் அசைவ உணவுகள், மேலைநாட்டு அசைவ உணவுகள், சைவ உணவுகள் வினியோகம் செய்யும் வகையில் அரங்குகள் அமைக்கப்பட்டிருக்கின்றன. கோவை கே.ஜி மருத்துவமனை தலைவ டாக்டர் பக்தவச்சலம் சிறப்பு விருந்தினராக கலந்து கொண்டு திறந்து வைத்தார்.
மாலை 5 மணிக்கு தொடங்கி இரவு 10 மணி வரை இந்நிகழ்ச்சி நடைபெறும். இதில் விதவிதமான உணவு அரங்கங்கள் அமைக்கப்பட்டுள்ளன. வீட்டிற்கு தேவையான பொருட்கள், மளிகை பொருட்கள் என நூற்றுக்கும் மேற்பட்ட அரங்குகள் உள்ளன. குழந்தைகளுக்கான விளையாட்டு வசதிகள் செய்யப்பட்டு உள்ளது. நுழைவு கட்டணமாக ரூ. 50 வசூல் செய்யப்படுகிறது. 5 வயதிற்கு உட்பட்ட குழந்தைகளுக்கு நுழைவு கட்டணம் இல்லை.
இந்த உணவுத்திருவிழா அரங்கத்தில் பிரியாணி, கபாப், பீட்சா, பர்கர், சாண்ட்விச், ஐஸ்கிரீம், நொறுக்கு தீனிகள், இனிப்பு ரகங்கள் உள்ளிட்ட ஏராளமான உணவுகள் பொதுமக்களால் ரசித்து ருசிக்கப்பட்டன. இந்த நிலையில் பொதுமக்களுக்கு உணவு அரங்கைகள் மட்டும் இன்றி வீட்டுக்கு தேவையான வீட்டு தேவை பொருட்களும் இந்த அரங்கத்தில் இடம் பெற்றிருந்தன.
இந்த அரங்குக்கு வரும் பொதுமக்கள் வயிறார உணவை ருசிப்பதோடு மட்டுமின்றி, இசையை ரசிக்கும் வண்ணம் இசை கச்சேரிகளும் நடத்தப்பட்டன. ஆடல் பாடல் என அரங்கேறிய இசை நிகழ்ச்சியை பார்வையாளர்கள் கண்டு ரசித்தனர். வாலிப பட்டாளங்கள் குத்தாட்டத்தில் திளைத்து மகிழ்ந்தனர்.
விடுமுறை நாளை கழிக்கும் வகையில் சனி, ஞாயிறு உள்ளிட்ட நாட்களிலும் இந்த உணவுத் திருவிழா தொடர்ந்து இயங்க இருக்கின்றன. குழந்தைகளுடன் விடுமுறை நாட்களை கழிப்பதற்கு ருசிக்க உணவும், ரசிக்க இசையும் ஒரு சேர அமைந்திருப்பது வரவேற்கத்தக்க வகையில் அமைந்திருப்பதாக கோவை பொதுமக்கள் தெரிவித்திருக்கின்றனர்.
கமெண்ட் செய்ய விரும்பவில்லை