’அரிய வகை மூலிகை; தலையில் தடவினா கருகருனு வளரும்..’ – முடிக்கு ஆசைப்பட்டு கண்பார்வைக்கு ஆபத்து!

அரிய வகை மூலிகைகளால் காய்ச்சி எடுத்த பிரத்தியேக மருந்தை வழுக்கையில் தடவினால் விரைவில் முடி முளைக்க ஆரம்பித்து விடும் என விளம்பரப்படுத்தி உள்ளனர். அதை உண்மை என நம்பி தலையை கொடுத்தவர்களுக்கு முகாமை ஏற்பாடு செய்தவர்கள் மருந்தை தடவ ஆரம்பித்தனர்.

அடுத்த 10 நிமிடத்தில் எல்லாம் தலைகீழானது. மருந்து தடவியவர்களின் கண்களில் வீக்கம் ஏற்பட்டு நீர் வடிய ஆரம்பித்தது. மேலும் கண்ணில் பயங்கர எரிச்சலும் ஏற்பட்டுள்ளது. அடுத்த சில நிமிடங்களில் பொறுக்க முடியாத அளவுக்கு வலிக்க தொடங்கியதால் மருந்து தடவிய பலரும் பெரும் அச்சத்திற்கு ஆளாகினர்.

இதையும் படியுங்கள் : கால்வாயில் மோசமான நிலையில் கண்டெடுக்கப்பட்ட பட்டதாரி பெண்ணின் உடல்.. கார் டிரைவரின் குரூர செயல்

அதன் பின்னர், சங்ரூரில் உள்ள பொது மருத்துவமனையில் கண் தொற்றுடன் ஏராளமான நோயாளிகள் குவிந்தனர். தனியார் மருத்துவமனைகளிலும் கூட்டம் கூடினர். அவர்கள் கண் தொற்றால் பாதிக்கப்பட்டதுடன் கடும் வலியாலும் அவதிப்பட்டுள்ளனர்.

வழுக்கையில் மருந்து தடவி கொண்டவர்களில் 60-க்கும் மேற்பட்டோருக்கு கண் பார்வை பாதிக்கப்பட்டுள்ளது. இது தொடர்பான புகாரில் சங்ரூர் காவல்துறையினர் வழக்குப்பதிவு செய்து முகாமை நடத்திய அமன்தீப் சிங் மற்றும் தஜிந்தர் பால் ஆகிய இருவர் மீது வழக்குப்பதிவு செய்துள்ளனர்.

முறையாக அனுமதி பெறாமலும், சட்ட விரோதமாகவும் இச்செயல்களில் ஈடுபட்டது தெரியவந்துள்ளது. வழுக்கையில் தடவிய மருந்தில் என்னென்ன பொருட்கள் கலந்தார்கள்? அதனால் மேலும் என்ன பக்க விளைவுகள் ஏற்படும் என மருத்துவ குழுவினர் ஆய்வு மேற்கொண்டு வருகின்றனர்.