மகா கும்பமேளா; ”1000 இந்துக்களை காணவில்லை.. பாஜக பதில் சொல்ல வேண்டும்” – அகிலேஷ் யாதவ்

மக்களவையில் பேசிய பிரதமர் நரேந்திர மோடி, “பிரயாக்ராஜின் மகா கும்பமேளா குறித்து பேசுவதற்காக நான் இங்கு இருக்கிறேன். மகா கும்பமேளாவை வெற்றிகரமாக ஒருங்கிணைத்து நடத்தி முடித்ததற்காக கோடிக்கணக்கான இந்தியர்களுக்கு நான் நன்றி தெரிவித்துக்கொள்கிறேன். பலரும் மகா கும்பமேளா வெற்றிக்காக தங்கள் பங்களிப்பை தந்துள்ளனர். இந்திய மக்களுக்கும், உத்தரப்பிரதேசத்திற்கும் மற்றும் பிரயாக்ராஜுக்கும் எனது நன்றியைத் தெரிவித்துக்கொள்கிறேன்.

நான் செங்கோட்டையில் பேசும்போது அனைவரும் ஒருங்கிணைந்து செயல்பட்டால் பல்வேறு சாதனைகளை புரியலாம் என்று தெரிவித்திருந்தேன். தற்போது, ஒட்டுமொத்த உலகமும் இந்தியாவின் பிரம்மாண்டத்தை கண்டது. நமது பலத்தை சந்தேகத்துடன் பார்ப்பவர்களுக்கு இது தகுந்த பதிலை கொடுத்துள்ளது” என்று பேசினார்.

இதையும் படியுங்கள் : “ரயில்வே தேர்வு வாரியத்தின் அலட்சியத்தின் உச்சம்..” – ஆர்.ஆர்.பி. தேர்வு ரத்துக்கு சு. வெங்கடேசன் விமர்சனம்

இந்நிலையில், இன்று நாடாளுமன்றத்தின் வெளியே செய்தியாளர்களைச் சந்தித்த சமாஜ்வாதி கட்சியின் எம்.பி. அகிலேஷ் யாதவ், “மகா கும்பமேளா பற்றி மீண்டும் மீண்டும் நாம் நினைவுகூருகிறோம். அதேசமயம், இதில் முக்கியமான கேள்வி என்னவென்றால், மகா கும்பமேளாவை ஒருங்கிணைத்து நடத்த மத்திய அரசு எவ்வளவு நிதி வழங்கியது.

உத்தரப் பிரதேச முதல்வரும், மத்திய பிரதேச முதல்வரும் வாகனங்களை நிறுத்துவதற்கான ஏற்பாடுகளை மட்டுமே செய்தனர். மக்கள் எல்லைக்குள் கூட நுழைவிடாமல் தடுத்து நிறுத்தப்பட்டனர்.

1000 இந்துக்கள் காணாமல் போயுள்ளனர். அவர்களின் குடும்பத்தினருக்கு பாஜகவும், அதன் தொண்டர்களும் உதவ வேண்டும். காணாமல் போயுள்ள அந்த 1000 இந்துக்கள் குறித்து அவர்களின் குடும்பங்களுக்கு பாஜக முறையான பதிலை வழங்கவேண்டும். காணாமல் போன அந்த 1000 இந்துக்களையாவது பாஜக கண்டுபிடிக்க வேண்டும்” என்று பேசினார்.

#WATCH | Delhi: On Nagpur violence, Samajwadi Party chief Akhilesh Yadav says, “Wherever such riots take place, BJP wants to take advantage of it, everything happens at the behest of BJP… It is being heard that (Chhatrapati Shivaji Maharaj)’s Tilak was done with the toe…… pic.twitter.com/cLNo8uXbqR

— ANI (@ANI) March 19, 2025