இதனால் மீனவர்களின் போராட்டம் 4-வது நாளாக நேற்றும் தொடர்ந்தது. இந்நிலையில், போராட்டத்தில் ஈடுபட்டுள்ள மீனவர்களுக்கு ஆறுதல் கூற மீன்வளத்துறை அமைச்சர் அனிதா ராதாகிருஷ்ணன், சட்டமன்ற உறுப்பினர் முத்துராமலிங்கம், மாவட்ட ஆட்சியர் சிம்ரன்ஜித் சிங் காலோன் ஆகியோர் போராட்ட பந்தலுக்கு வந்தனர். போராட்டத்தில் ஈடுபட்டிருந்த மீனவர்களிடையே பேசிய அவர்கள் தமிழக அரசு மீனவர்களுக்கு செய்து தரும் உதவிகள் குறித்தும், மீனவர்களை விடுவிக்க முதலமைச்சர் கொடுத்து வரும் அழுத்தம் குறித்தும் பேசினர்.
மேலும் மீனவர்களை விடுவிக்க நாடாளுமன்றத்தில் தமிழக எம்.பி-க்கள் குரல் கொடுப்பார்கள் எனவும், வெளியுறவுத்துறை அமைச்சரை சந்திக்க ஏற்பாடு செய்வார்கள் எனவும் அமைச்சர் ராதாகிருஷ்ணன் உறுதியளித்தார். ஆனால் இதனை ஏற்க மறுத்த மீனவர்கள் மற்றும் பெண்கள் அமைச்சரிடம் வாக்குவாதத்தில் ஈடுபட்டனர். இதனால் நிலமை மோசமடையவே அமைச்சர் ராதாகிருஷ்ணன் கூட்டத்திலிருந்து பாதியில் வெளியேறினார்.
