கோவை காந்திபுரம் பகுதியில் ரூ. 3.68 கோடி மதிப்பில் ஆம்னி பேருந்து நிலையம் புதுப்பிக்கப்பட்டது. 35 ஆம்னி பேருந்துகள் நிறுத்தும் வசதிகள், பாலூட்டும் அறை, காத்திருப்போர் அறை, சுத்திகரிக்கப்பட்ட குடிநீர் வசதி, கட்டண கழிப்பிடம் மற்றும் 32 கடைகள் புதிதாக கட்டப்பட்டுள்ளது.
இந்த பேருந்து நிலையத்தை மக்களின் பயன்பாட்டுக்காக அமைச்சர் கே.என்.நேரு வியாழக்கிழமை திறந்துவைத்தார். அமைச்சர்கள் செந்தில் பாலாஜி, மு.பெ. சாமிநாதன், கயல்விழி செல்வராஜ், அரசு கொறாடா ராமசந்திரன், மாவட்ட ஆட்சியர் பவன் குமார் உள்பட பல்வேறு அதிகாரிகள் கலந்து கொண்டனர்.
