வெடிக்கும் உட்கட்சி பூசல்… செல்வப்பெருந்தகையை மாற்றக் கோரி டெல்லியில் முகாமிட்ட காங்கிரஸார்!வெடிக்கும் உட்கட்சி பூசல்… செல்வப்பெருந்தகையை மாற்றக் கோரி டெல்லியில் முகாமிட்ட காங்கிரஸார்!

தமிழ்நாடு காங்கிரஸ் கமிட்டி தலைவராக செல்வப்பெருந்தகை நியமனம் செய்யப்பட்டு, ஓராண்டு நிறைவடைந்துள்ளது. இந்நிலையில், மாவட்டத் தலைவர்களுக்கு மதிப்பளிப்பதில்லை எனவும், கட்சிக்காக உழைக்கும் மாவட்டத் தலைவர்களுக்குப் பதிலாக புதிய மாவட்டத் தலைவர்களைத் தேர்வு செய்யப்படுவதாகவும் செல்வப்பெருந்தகை மீது அக்கட்சி நிர்வாகிகள் சிலர் குற்றம்சாட்டி வருகின்றனர்.

இது குறித்து டெல்லி தலைமையிடம் புகார் அளிக்க முடிவெடுத்துள்ள மதுரை, பெரம்பலூர், அரியலூர், நாமக்கல், கடலூர் உள்ளிட்ட மாவட்டங்களைச் சேர்ந்த காங்கிரஸ் தலைவர்கள், தேசியத் தலைவர் மல்லிகார்ஜுன கார்கேவை நேரில் சந்திக்க நேரம் கேட்டு தலைமை அலுவலகத்திற்குச் சென்றுள்ளனர்.

இதையும் வாசிக்க: தமிழக மீனவர்கள் 10 பேரை கைது செய்தது இலங்கை கடற்படை!

மல்லிகார்ஜுன கார்கேவை சந்திக்க நேரம் கிடைக்காத சூழலில், காங்கிரஸ் தேசியப் பொதுச்செயலாளர் கே.சி.வேணுகோபாலை சந்திக்க முடிவு செய்துள்ளனர். தமிழக காங்கிரசில் உட்கட்சி பூசல் அதிகரித்து வருவதாகக் கூறப்படும் நிலையில், மாநிலத் தலைவரை மாற்றக் கோரி மாவட்டத் தலைவர்கள் டெல்லியில் முகாமிட்டுள்ளது பரபரப்பை ஏற்படுத்தியுள்ளது.