Tirupati Laddu: திருப்பதி லட்டு கலப்பட நெய் விவகாரம்.. சிறப்பு விசாரணை குழு எடுத்த அதிரடி முடிவு!

திருப்பதி கோயில் பிரசாதங்கள் தயாரிக்க அனுப்பப்பட்ட நெய்யில் விலங்குகளின் கொழுப்பு கலந்தது தொடர்பாக வழக்கு பதிவு செய்யப்பட்டது. இதுகுறித்து விசாரிக்க உச்ச நீதிமன்ற உத்தரவின் பேரில் 3 ஐபிஎஸ் அதிகாரிகள், ஒரு உணவு பாதுகாப்பு துறை அதிகாரி ஆகியோரை கொண்ட சிறப்பு விசாரணை குழு அமைக்கப்பட்டது. இந்த குழுவின் விசாரணைக்கு பின் போலே பாபா டைரி நிறுவன முன்னாள் இயக்குநர்களான விபின் ஜெயின், பொமில் ஜெயின், வைஷ்ணவி டைரியை சேர்ந்த அபூர்வா சவுடா, திண்டுக்கல் ஏஆர் டைரி நிறுவன உரிமையாளர் ராஜசேகரன் ஆகியோரை கைது செய்யப்பட்டனர்.

அவர்களை காவலில் எடுத்து விசாரிக்க அனுமதி கோரி விசாரணை குழுவினர் நீதிமன்றத்தில் மனு தாக்கல் செய்தனர். அந்த மனுவை விசாரித்த நீதிமன்றம், அவர்களை 4 நாட்களுக்கு காவலில் எடுத்து விசாரிக்க அனுமதி அளித்தது. அதன்படி, திருப்பதி சிறையில் இருந்த 4 பேரும் விசாரணைக்காக அழைத்து செல்லப்பட்டனர். திருப்பதி மலை அடிவாரத்தில் உள்ள தங்கள் அலுவலகத்தில் வைத்து விசாரணை நடந்து வருகிறது.