நாட்டின் 76-ஆவது குடியரசு தினம் நாளை (ஜன.26) கொண்டாடப்படவுள்ளது. இதையொட்டி, தில்லியில் நடைபெறும் பிரம்மாண்ட விழாவில் குடியரசுத் தலைவா் திரெளபதி முா்மு தேசியக் கொடி ஏற்றவுள்ளாா். இதைத் தொடா்ந்து, நாட்டின் ராணுவ வல்லமை மற்றும் கலாசார பெருமையை பறைசாற்றும் கண்கவா் அணிவகுப்பு நடைபெறும்.
குடியரசு தினத்துக்கு முன்னதாக இன்று மாலை 7 மணிக்கு குடியரசுத் தலைவா் திரெளபதி முா்மு நாட்டு மக்களுக்கு உரையாற்றினார். அவரது உரை, தூா்தா்ஷன் சேனல்கள் மற்றும் ஆகாசவாணியில் ஹிந்தியில் ஒளி-ஒலிபரப்பு செய்யப்பட்டது.
இன்று அவரது உரையில், “குடியரசு தினம் என்பது உண்மையில் அனைத்து குடிமக்களையும் இணைக்கும் மகிழ்ச்சியான பெருமைக்குரிய தினமாகும்.
நீண்டகாலமாக செயலற்று கிடந்த இந்தியாவின் ஆன்மா மீண்டும் விழித்தெழுந்து, மற்ற நாடுகளின் நட்புறவில் அதன் சரியான இடத்தை மீண்டும் பெறுவதற்கான நடவடிக்கைகளை எடுத்து வரும் நேரம் இது.
