டாவோஸ் நகரில் நடைபெறும் உலக பொருளாதார சம்மேளனத்தின் வருடாந்திர மாநாட்டில் கலந்து கொள்வதற்காக ஆந்திர முதல்வர் சந்திரபாபு நாயுடுவுடன் அவருடைய மகன் லோகேஷ் உள்பட அமைச்சர்கள் பலர் வருகை தந்திருந்தனர்.
இந்த நிலையில், ஸுரிச் நகரில் திங்கள்கிழமை(ஜன. 20) நடைபெற்ற நிகழ்ச்சியில் அனைவரது முன்னிலையிலும் அமைச்சர் லோகேஷை புகழ்ந்து பேசிய அமைச்சர் டி. ஜி. பரத், “சிலருக்கு பிடிக்கிறதோ இல்லையோ, லோகேஷ்தான் எதிர்கால தலைவர். அவர் முதல்வராகவும் மாறுவார்.
ஆந்திரத்தின் 175 எம். எல்.ஏ.க்கள் மற்றும் 25 எம்.பி.க்களில் ஸ்டான்ஃபோர்டு பல்கலைக்கழகத்தில் பயின்றவர்கள் லோகேஷை தவிர்த்து எவருமில்லை” என்றார்.
இதனிடையே முதல்வர் சந்திரபாபு நாயுடு பேசுகையில் “2047-இல் தெலுங்கு சமூகம்தான் நம்பர்-1 ஆக இருக்க வேண்டும்” என்று குறிப்பிட்டுள்ளார்.
