ஜீரோ வங்கிக் கணக்குகள் :
அதே போல், குறைந்தபட்ச இருப்புத் தொகையைக் கடைபிடிக்க அவசியமில்லாத ஜீரோ பேலன்ஸ் (Zero Balance) வங்கி கணக்குகளும் பல உள்ளன. நாம் ஒரு நிறுவனத்தில் பணிபுரிந்து மாத சம்பளம் வாங்க கூடியவராக இருப்பவரானால், அச்சம்பளம் ஏறும் வங்கி கணக்கை நாம் சேலரி அக்கவுண்ட் (Salary account) ஆக மாற்றிக் கொள்ளலாம். அவ்வாறு சேலரி அக்கவுண்டாக வைத்திருக்கும் சேமிப்பு கணக்குகளுக்கு எந்தவித இருப்புத் தொகையும் கடைபிடிக்க வேண்டிய அவசியமில்லை. மேலும், அவ்வாறாக உள்ள கணக்குகளுக்கு வங்கிகள் சர்வீஸ் சார்ஜஸ் விதிப்பதிலும் பல சலுகைகள் வழங்குகின்றன. உதாரணமாக, ஏடிஎம்-மில் ஒரு மாதத்திற்கு ஐந்து முறைக்கு மேல் பணம் எடுக்கும் ஒவ்வொரு பரிவர்த்தனைக்கும் சார்ஜஸ் வசூலிப்பதிலும் முழு விலக்கு அளிக்கின்றன. அதேபோல பள்ளி கல்லூரிகளில் படிக்கும் மாணவர்களுக்கும் ஜீரோ பேலன்ஸ் கணக்குகள் வைக்கப்படுகின்றன.
