மத்தியப் பிரதேசத்தில் முன்னாள் பாஜக எம்.எல்.ஏ.வின் வீட்டில் மேற்கொள்ளப்பட்ட வருமானவரித் துறை சோதனையில் வரி ஏய்ப்பு செய்தது தெரிய வந்தது.
மத்தியப் பிரதேசத்தில் முன்னாள் பாஜக எம்.எல்.ஏ.வான ஹர்வன்ஷ் சிங் ரத்தோர் மற்றும் முன்னாள் கவுன்சிலர் ராஜேஷ் கேஷர்வானி இருவர் மீதும் வரி ஏய்ப்பு புகார் எழுந்த நிலையில், இருவரது வீட்டிலும் வருமானவரித் துறையினர் சோதனை மேற்கொண்டனர். சோதனையில், ரூ. 155 கோடி வரி ஏய்ப்பு நடந்துள்ளது தெரிய வந்தது. 3 கோடி ரொக்கமும், கோடிக்கணக்கில் மதிப்புள்ள தங்கம் மற்றும் வெள்ளி நகைகளும் பறிமுதல் செய்யப்பட்டன.
ஹர்வன்ஷுடன் இணைந்து பீடி வர்த்தகம் நடத்திய ராஜேஷ் மட்டும் ரூ. 140 கோடி வரி ஏய்ப்பு செய்ததாகவும், இது தொடர்பான ஆவணங்கள் சோதனையின்போது கண்டுபிடிக்கப்பட்டதாகவும் வட்டாரங்கள் தெரிவித்தன.
