இதையடுத்து மருத்துவமனை ஊழியர்கள், காவலர்கள், சமூக ஆர்வலர்கள் அவரச விளக்குகளை பயன்படுத்தி 100-க்கும் மேற்பட்ட நோயாளிகளை பாதுகாப்பாக அவசர அவசரமாக முதல் தளத்திற்கு மாற்றினர்.
இந்த விபத்தில் நல்வாய்ப்பாக உயிரிழப்புகள் எதுவம் ஏற்படவில்லை என மருத்துவமனை நிர்வாகம் தெரிவித்துள்ளது.
தகவல் அறிந்து ஏழு தீயணைப்பு வாகனங்களுடன் விரைந்து வந்த தீயணைப்பு வீரர்கள் தீ பரவாமல் கட்டுக்குள் கொண்டு வந்தனர்.
இந்த நிலையில், மருத்துவமனைக்கு வந்த மாவட்ட ஆட்சியர் சிம்ரன்ஜீத் சிங், மாவட்ட காவல் கண்காணிப்பாளர் ஜி.சந்தீஷ் ஆகியோர் மருத்துவமனைக்கு விரைந்து வந்து மீட்புப் பணிகளை மேற்பார்வையிட்டு மீட்புப் பணிகளை துரிதப்படுத்தினர்.
பின்னர் நோயாளிகள் அனுமதிக்கப்பட்டுள்ள அறைகளை பார்வையிட்டு நோயாளிகளின் உடல்நலம் குறித்தும் விபத்து குறித்தும் கேட்டறிந்தனர்.
தீ விபத்துக்கான காரணம் மின் கசிவு என அதிகாரி தெரிவித்தார்.
