சேலம் மாவட்டம் மேட்டூர் அணையின் அணை நீர்மட்டம் இன்று காலை 119.97 அடியாக உயர்ந்துள்ளது.
மேட்டூர் அணைக்கு வரும் நீரின் அளவு இன்று காலை வினாடிக்கு 2 ஆயிரத்து 516 கன அடியிலிருந்து 2 ஆயிரத்து 875 கன அடியாக அதிகரித்துள்ளது.
மேட்டூர் அணையில் இருந்து காவிரி டெல்டா பாசனத்திற்கு வினாடிக்கு 500கன அடி வீதமும், கிழக்கு மேற்கு கால்வாய் பாசனத்திற்கு வினாடிக்கு 300 கன அடி வீதமும் தண்ணீர் திறக்கப்பட்டு உள்ளது.
அணையின் நீர்மட்டம் 119.87அடியிலிருந்து 119.97அடியாக உயர்ந்துள்ளது. அணையின் நீர் இருப்பு 93.42 டிஎம்சியாக உள்ளது. (அணையின் மொத்த நீர் இருப்பு 93.47 டிஎம்சி ஆகும்)
நடப்பு ஆண்டில் மேட்டூர் அணை கடந்த ஜூலை மாதம் 30 ஆம் தேதி முதன் முறையாக நிரம்பியது. மீண்டும் ஆகஸ்ட் மாதம் 12 ஆம் தேதி இரண்டாவது முறையாக நிரம்பியது.
