சென்னையைச் சேர்ந்த 21 வயது கல்லூரி மாணவி 10க்கும் மேற்பட்ட நபர்களால் பல மாதங்கள் பாலியல் வன்முறைக்கு ஆளாக்கப்பட்து குறித்து காவல் நிலையத்தில் புகார் அளிக்கப்பட்டுள்ளது.
இந்த சம்பவம் குறித்து முதலமைச்சர் விளக்கம் அளிக்க வேண்டும் என்று கண்டன அறிக்கை வெளியிட்டுள்ளார் பாஜக மாநிலத்தலைவர் அண்ணாமலை.
அவரது அறிக்கையில், “சென்னை அயனாவரம் பகுதியில், மனநலம் பாதிக்கப்பட்ட கல்லூரி மாணவியை, ஏழு பேர் கொண்ட கும்பல், கடந்த பல மாதங்களாகப் பாலியல் வன்முறைக்கு ஆளாக்கியுள்ளனர் என்ற செய்தி மிகுந்த அதிர்ச்சியளிக்கிறது. இது குறித்து, மாணவியின் தந்தை, சென்னை அயனாவரம் காவல்நிலையத்தில் புகார் அளித்தும், குற்றவாளிகளை வெறும் எச்சரிக்கையோடு விடுதலை செய்திருக்கின்றனர் என்று செய்திகள் வெளியாகியுள்ளன.
மாணவியின் உறவினர் ஒருவர் முயற்சியால், தற்போது மீண்டும் வழக்குப் பதிவு செய்து, இரண்டு குற்றவாளிகளைக் கைது செய்திருப்பதாகவும், ஐந்து பேர் தலைமறைவு ஆகிவிட்டதாகவும் கூறுகின்றனர்.
