புதிய சுரங்கம்!
மதுரை மாவட்டம் மேலூர் பகுதியை ஒட்டி புதிதாக டங்ஸ்டன் சுரங்கம் அமைக்க மத்திய அரசு ஏலம் விட்டு, அதனை ஒரு தனியார் நிறுவனம் ஏலம் எடுத்திருப்பதாகச் செய்திகள் வெளியாகின. இந்த செய்திகள் வெளியானதும் அந்த பகுதியைச் சேர்ந்த கிராம மக்கள் தொடங்கி சமூக ஆர்வலர்கள், சுற்றுச்சூழல் ஆர்வலர்கள் பலரும் இந்த திட்டத்துக்குக் கடுமையான எதிர்ப்பு தெரிவித்து வருகிறார்கள். இந்த பகுதியில் சுரங்கம் அமைக்கும் முடிவினை உடனடியாக கைவிடவேண்டும் என்று வலியுறுத்தி வருகிறார்கள். உண்மையில் இந்த விவகாரத்தில் நடப்பது என்ன. இந்த சுரங்கம் அமைப்பதில் தமிழக, மத்திய அரசின் பங்குகள் என்ன என்பது குறித்து விரிவாக விசாரித்தோம்.
