அமெரிக்க அதிபர் தேர்தலில், குடியரசுக் கட்சி வேட்பாளர் டொனால்ட் டிரம்ப் வெற்றி பெற்று புதிய அதிபராகத் தேர்வு செய்யப்பட்டுள்ளதைத் தொடர்ந்து உலகத் தலைவர்கள் பலரும் தங்களது வாழ்த்துகளைத் தெரிவித்து வருகிறார்கள்.
மற்ற நாடுகளின் பொதுத் தேர்தலைப் போல அல்லாமல், அமெரிக்க அதிபர் தேர்தல், உலக அரங்கின் ஒட்டுமொத்த கவனத்தையும் பெற்றுள்ளது.
2020ஆம் ஆண்டு அமெரிக்க அதிபர் தேர்தலில் தோல்வியடைந்த டொனால்ட் டிரம்ப், இந்த முறை மீண்டும் களமிறங்கி வெற்றியை தன்வசமாக்கிவிட்டார்.
அமெரிக்காவின் 47வது அதிபராக டொனால்ட் டிரம்ப் தேர்வு செய்யப்பட்டுள்ளார். இந்த செய்தியறிந்த இந்தியப் பிரதமர் நரேந்திர மோடி உள்பட உலகத் தலைவர்கள் பலரும் தங்களது வாழ்த்துகளை தெரிவித்து வருகிறார்.
பிரதமர் நரேந்திர மோடி வெளியிட்டிருக்கும் வாழ்த்துச் செய்தியில், நண்பர் டிரம்ப்பிற்கு வாழ்த்துகள் என்று தெரிவித்துள்ளார். வரலாற்று சிறப்புமிக்க வெற்றியை பெற்ற எனது நண்பர் டிரம்பிற்கு வாழ்த்துகள் என்று பதிவிட்டிருக்கிறார்.
