மகாராஷ்டிரா மாநில துணை முதல்வர் அஜித்பவார், பாராமதி தொகுதியில் வேட்பு மனுத்தாக்கல் செய்த பிறகு நிருபர்களுக்கு அளித்த பேட்டியில், “எனக்கு எதிராக வேட்பாளரை நிறுத்த வேண்டாம் என்று எனது தாயார் கேட்டுக்கொண்டார். ஆனால் அதனைக் கேட்காமல் அவர்கள் (சரத்பவார்) எனக்கு எதிராக வேட்பாளரை நிறுத்தினர். அதற்காக அவர்கள் குடும்பத்தைப் பிரித்தார்கள் என்று அர்த்தமாகிவிடுமா” என்று பேசியிருந்தார்.
அதாவது சரத்பவார்தான் குடும்பத்தைப் பிரித்தார் என்ற ரீதியில் பேசியிருந்தார். இதற்குப் பதிலளித்த சரத்பவார், “அஜித்பவார் கைக்குட்டையால் கண்ணைத் துடைத்துக்கொண்டு உணர்ச்சிப்பூர்வமாகப் பேசுவதைப் பார்க்க முடிகிறது. மக்களவைத் தேர்தலில் சரத்பவார் கண்ணீருடன் உணர்ச்சிப்பூர்வமாகப் பேசி வாக்கு சேகரிப்பார் என்று அஜித்பவார் பேசினார். ஆனால் இப்போது அவரது (அஜித்பவார்) பேச்சைப் பாருங்கள். நான் குடும்பத்தைப் பிரித்ததாக அஜித்பவார் சொல்கிறார். நான் குடும்பத்தில் மூத்தவர். எனவே எப்போதும் குடும்பம் பிரியக்கூடாது என்றுதான் நினைப்பேன்.
