கர்நாடகாவின் கொப்பல் மாவட்டத்தில் உள்ள மரகும்பி கிராமத்தில் ஒரு தசாப்த பழமையான பட்டியல் சாதி மற்றும் பட்டியல் பழங்குடியினர் (வன்கொடுமை தடுப்பு) வழக்கில் கொப்பல் முதன்மை மாவட்ட மற்றும் அமர்வு நீதிமன்றத்தால் மொத்தம் 101 பேர் குற்றவாளிகள் என்று தீர்ப்பளிக்கப்பட்டது, அவர்களில் 98 பேருக்கு ஆயுள் தண்டனை விதிக்கப்பட்டது. ஆகஸ்ட் 28, 2014 அன்று தாழ்த்தப்பட்ட சமூகத்தின் வீடுகளுக்கு தீ வைத்ததாகவும், சாதி ரீதியான அவதூறுகளைப் பேசியதாகவும் தண்டனை பெற்றவர்கள் மீது வழக்கு பதிவு செய்யப்பட்டது.
வழக்கு என்ன?
இந்த வழக்கில் முக்கிய குற்றவாளியான மஞ்சுநாத், கங்காவதி நகரில் உள்ள தனது நண்பர்களுடன் திரைப்படம் பார்க்க சென்றதாக தகவல்கள் தெரிவிக்கின்றன. இதையடுத்து மஞ்சுநாத் தனது நண்பர்களுடன் சினிமா தியேட்டரில் மற்றொரு கோஷ்டியுடன் வாக்குவாதத்தில் ஈடுபட்டார். பின்னர், அவர் தனது உயர் சாதி மக்களில் ஒரு குழுவினரைத் தூண்டிவிட்டு, எதிர் குழு வசித்த மரகும்பி கிராமத்தில் உள்ள ஒரு எஸ்சி காலனிக்கு அழைத்துச் சென்றார். அதிகாலை 4 மணியளவில், எஸ்சி காலனியில் உள்ள வீடுகளை இந்த குழு தாக்கத் தொடங்கியது. வீடுகள் மீது செங்கற்கள் வீசப்பட்டதாகவும், கற்கள் வீசப்பட்டதாகவும் புகாரில் கூறப்பட்டுள்ளது. பின்னர், பழிவாங்கும் விதமாக காலனியில் உள்ள சில குடிசைகளுக்கும் அந்த கும்பல் தீ வைத்தது.
117 பேர் மீது வழக்குகள் பதிவு
இரு குழுக்களுக்கும் இடையே நீண்டகாலமாக பகை இருந்ததாகவும், பல தலித்துகளுக்கு முடிதிருத்தும் கடைகள் மற்றும் உணவகங்களுக்குள் நுழைய அனுமதி மறுக்கப்பட்டதாகவும் தெரிவிக்கப்பட்டது. இந்த சண்டை அன்று களவரமாக மாறி கிராமத்தில் வன்முறைக்கு வழிவகுத்தது.
இந்த சம்பவத்தில் 117 பேர் மீது வழக்குகள் பதிவு செய்யப்பட்டதாகவும், விசாரணையின் போது குற்றத்தில் ஈடுபட்ட 11 பேர் இறந்ததாகவும் கூறப்படுகிறது. அவர்களில் இருவர் சிறார் நீதி வாரியத்தின் கீழ் வந்தவர்கள்.
இதற்கிடையில், கொப்பல் முதன்மை மாவட்ட மற்றும் அமர்வு நீதிமன்றத்தின் நீதிபதி சி சந்திரசேகர், தீர்ப்பின் போது மஞ்சு தேவி வழக்கைக் குறிப்பிட்டு, எஸ்சி மற்றும் எஸ்டி சமூக மக்களை கொண்டு வர பல்வேறு முயற்சிகளுக்குப் பிறகும், அவர்கள் பாதிக்கப்படக்கூடியவர்களாக உள்ளனர் என்று கூறினார்.
இந்த வகையான குற்றங்கள் ஆயுள் தண்டனை விதிக்க கூடிய குற்றங்கள் கிடையாது. குற்றம் சாட்டப்பட்டவர்களுக்கு ஆதரவாக வழக்காடிய வழக்கறிஞர் திறமையற்றவர் என்பது இந்த தீர்ப்பு காட்டுகிறது. வழக்கறிஞர்கள் தங்களது திறமையை நன்கு வளர்த்துக் கொள்ள வேண்டும். வழக்கை கொடுப்பவர்களும் நல்ல வழக்கறிஞர்களாக பார்த்து கொடுக்க வேண்டும்