ரயில் விபத்துகள் நாளுக்கு நாள் அதிகரித்து வருகிறது. இது மத்திய அரசுக்கும் பெரும் தலைவலியாக மாறியுள்ளது. ரயில் விபத்துகள் அன்றாட நிகழ்வுகளாக மாறிவிட்டதாக எதிர்க்கட்சிகள் கடுமையாக விமர்சனம் செய்து வருகின்றனர். ரயில்வேயில் சுமார் 3 லட்சம் பணியிடங்கள் நிரப்பப்படாமல் இருப்பதும் விபத்துக்கு காரணம் என கூறப்படுகிறது.
இந்நிலையில் இதனை சமாளிக்கும் வகையிலும் செலவை குறைக்கும் வகையிலும் இந்திய ரயில்வே அதிரடி முடிவு எடுத்துள்ளது. அதன்படி இந்திய ரயில்வே துறையில் ஓய்வு பெற்ற ஊழியர்களை மீண்டும் பணியில் அமர்த்த ரயில்வே துறை முடிவு செய்துள்ளது. நல்ல உடற் தகுதியுடன் உள்ள ஓய்வு பெற்ற ஊழியர்களை பணியில் அமர்த்த இந்திய ரயில்வே துறை முடிவு செய்துளளது.
ஓய்வுக்கு முந்தைய ஐந்து ஆண்டுகள் பணியில் நன்னடத்தை சான்று பெற்ற ஒழுங்கு நடவடிக்கை எடுக்கப்படாத 65 வயதுகுட்பட்ட ஓய்வு பெற்ற ஊழியர்களை ரயில் லோகோ பைலட், தண்டவாள பராமரிப்பு பொறியாளர், ஸ்டேஷன் மாஸ்டர் உள்ளிட்ட பணியிடங்களில் ஒப்பந்த அடிப்படையில் மீண்டும் நியமிக்க ரயில்வே துறை முடிவு செய்துள்ளது .
சூப்ரவைசர் பணியிடங்கள் உட்பட காலியான பதவிகளுக்கான தற்போதைய ஆட்சேர்ப்பு முயற்சிகள், தினசரி செயல்பாடுகளை பாதிக்கும் என்பதால் ரயில்வேதுறை இந்த அதிரடி முடிவை மேற்கொண்டுள்ளது. பாதுகாப்பு தொடர்பான பணியிடங்கள் தவிர்த்து, பல ஊழியர்கள் ஒப்பந்த அடிப்படையில் தற்போது பணியாற்றி வருகின்றனர்.
இந்த காலியிடங்களால் ஏற்படும் நெருக்கடியை சமாளிக்க, நிரந்தர ஆட்சேர்ப்புகளை நிறுத்தி வைத்து ஒப்பந்த அடிப்படையிலான நியமனங்களை அதிகரிக்க ரயில்வே வாரியம் திட்டமிட்டுள்ளது. ஓய்வூதியம் பெறுவோர் ஒப்பந்தத்தின் கீழ் 65 வயது வரை பணிபுரியலாம் என்றும் ஓய்வுபெறும் போது பெற்ற சம்பளத்திற்கு இணையான மாதச் சம்பளத்தைப் பெறலாம் என்றும் தெரிவிக்கப்பட்டுள்ளது.
ஓய்வுபெற்றவர்களை நியமிப்பதன் மூலம் நிரந்தர நியமனங்களுக்கான வருங்கால வைப்பு நிதி மற்றும் பிற ஊக்குவிப்புகளுக்கான தங்கள் பங்களிப்பை ஒதுக்கி வைக்காமல் இருப்பதன் மூலம் ரயில்வே துறையின் செலவுகள் குறையும் என கூறப்படுகிறது. இருப்பினும் ரயில்வே துறையின் இந்த முடிவால் இளைஞர்கள் வேலை வாய்ப்பை பெறுவதில் சிக்கல் ஏற்பட்டுள்ளது.
இனிமேலாவது ரயில் விபத்துக்கள் நடக்காமல் இருந்தால் சரி