காலிஸ்தான் ஆதரவாளரான ஹர்தீப் சிங் நிஜார் படுகொலையில் இந்தியாவுக்கு தொடர்பு இருப்பதாக கனட பிரதமர் ஜஸ்டின் ட்ரூடோ தெரிவித்த கருத்துகள் இருநாட்டு உறவில் விரிசலை ஏற்படுத்தியிருக்கிறது.
இந்த கொலையில் இந்திய தூதரக அதிகாரிகள் சம்பந்தப்பட்டிருப்பதாக கனடா தெரிவித்திருந்த நிலையில், இந்தியாவில் இருந்த கனட அதிகாரிகளை வெளியேற உத்தரவிட்டதுடன், கனடாவில் இருந்தும் தூதரக அதிகாரிகளைத் திரும்பப் பெற்றிருக்கிறது இந்திய அரசு.
மேலும், கனடா தேர்தலில் வெற்றி பெறுவதற்காக பிரதமர் ஜஸ்டின் ட்ரூடோ இத்தகைய குற்றச்சாட்டுகளை வைக்கிறார் என்றும் இந்தியா குற்றம்சுமத்தியிருக்கிறது.
