தேனி மாவட்ட வேளாண்மை மற்றும் உழவர் நலத்துறை சார்பில், இன்று மாதாந்திர விவசாயிகள் குறைதீர்க்கும் நாள் கூட்டம் கலெக்டர் அலுவலக கூட்டரங்கில் நடந்தது.
மாவட்ட ஆட்சித்தலைவர் ஷஜீவனா தலைமையில் நடந்த இக்கூட்டத்தில் ஸ்ரீவில்லிபுத்தூர் – மேகமலை புலிகள் காப்பக துணை இயக்குநர் ஆனந்த், தேனி மாவட்ட வன அலுவலர் சமர்தா, வேளாண் இணை இயக்குநர் பால்ராஜ் உள்ளிட்ட பல்வேறு அரசுத் துறை அதிகாரிகள் பலர் பங்கேற்றனர். இதில் விவசாயிகள் தங்களின் நீண்ட நாள் கோரிக்கைகள் குறித்து ஆட்சியரிடம் மனு அளித்து பேசினர்.
அப்போது பேசிய பெரியாறு – வைகை பாசன விவசாயிகள் சங்கத்தினர்,
“ஐந்து மாவட்டங்களின் நீராதாரமாகத் திகழும் முல்லைப்பெரியாறு அணையின் நீர்ப்பிடிப்பு பகுதிகளில் தமிழக நீர்வளத்துறையினர் நேரில் சென்று ஆய்வு செய்ய வேண்டும்.
கேரள வனத்துறை சார்பில் அமைக்கப்பட்டுள்ள ஆனவச்சால் கார் பார்க்கிங் பகுதி முல்லைப்பெரியாறு அணையின் நீர்த்தேக்கம் என்பதை தமிழக அரசு உறுதி செய்ய நடவடிக்கை எடுக்க வேண்டும்.
