நீண்ட நாள்களாக உடல்நிலை குறைவு காரணமாக படுத்த படுக்கையாக சிகிச்சை பெற்றுவந்தார் எம்.எம்.லாரன்ஸ். கடந்த ஜூலை மாதம் 28-ம் தேதி அவருக்கு நிமோனியா காய்ச்சல் பாதிப்பு ஏற்பட்டது. அதைத் தொடர்ந்து அவர் எர்ணாகுளத்தில் உள்ள மெடிக்கல் டிரஸ்ட் மருத்துவமனையில் சிகிச்சை அனுமதிக்கப்பட்டிருந்தார். அங்கு தொடர் சிகிச்சை அளிக்கப்பட்டு வந்த நிலையில் கடந்த 21-ம் தேதி சிகிச்சை பலனின்றி மரணமடைந்தார். எம்.எம்.லாரன்ஸின் மனைவி பேபி ஏற்கெனவே காலமாகிவிட்டார். எம்.எம்.லாரன்ஸ்-க்கு எம்.எல்.சஜீவ், அபி ஆபிரகாம், மகள்கள் சுஜாதா, ஆஷா லாரன்ஸ் என நான்கு பிள்ளைகள் உள்ளனர்.
