சிறையில் இருந்தும் ஆட்சி நடத்த முடியும் – கெஜ்ரிவால்
டெல்லியில் தேர்தல் நடக்கும் வரை மற்றொரு தலைவர் முதல்வர் பொறுப்பு வகிப்பார். அவர் யார் என இரண்டு நாள்களில் அறிவிக்கப்படும். நான் இல்லாத நேரத்தில் அதிஷி என்னுடைய இடத்தில் இருந்து கொடியேற்ற வேண்டும் என்று நான் துணைநிலை ஆளுநருக்குக் கடிதம் எழுதினேன். அதற்கு, ‘இனி ஒருமுறை நீ எனக்கு கடிதம் எழுதினால் உன்னுடைய குடும்பத்தை உன்னால் பார்க்கவே முடியாது’ என்று கூறப்பட்டிருந்தது. என்னை ஜெயிலுக்கு அனுப்புவதன் மூலம் ஆம் ஆத்மி கட்சியை உடைத்து என்னைப் பயமுறுத்தலாம் என்பதே என் கைதுக்குப் பின்னால் இருக்கும் நோக்கம். நான் சிறையில் இருந்து என்னுடைய பதவியை ராஜினாமா செய்ய விரும்பவில்லை. எனக்கு இந்த நாட்டின் ஜனநாயத்தின் பலம் தேவைப்பட்டது. சிறையில் இருந்தும் ஆட்சி நடத்த முடியும் என்பதை நான் நிரூபித்துவிட்டேன்.” என்றார்.
`சோனியா காந்தியை பின்பற்றுகிறார்’ – பாஜக
இதுகுறித்த கருத்து தெரிவித்துள்ள பா.ஜ.க செய்தித் தொடர்பாளர் பிரதீப் பண்டாரி, “இன்று ஆம் ஆத்மி கட்சி ஒரு ஊழல் கட்சியாக நாடு முழுவதும் அறியப்பட்டுள்ளது. இந்த பி.ஆர் ஸ்டண்ட் மூலம் இழந்திருக்கும் பிம்பத்தைக் கட்டியெழுப்ப அவர்கள் முயல்கிறார்கள். டெல்லி மக்களுக்கு இன்று மூன்று விஷயங்கள் மிகவும் தெளிவாகியிருக்கும். ஒன்று, அரவிந்தின் வங்கிக் கணக்கில் பணமே இல்லை என்று அவர் கூறுகிறார். ஆனால் அவரால் பிறகு எப்படி ஒரு மாளிகை போன்ற வீட்டைக் கட்ட இயலும்?. இரண்டாவதாக அவர் டெல்லி மக்களைச் சந்திப்பேன். அவர்கள் மீண்டும் அவரை முதல்வராக்கும் வரை வேறொரு நபர் முதல்வராகச் செயல்படுவார் என்று கூறியிருக்கிறார். இது சோனியா காந்தியின் செயலைப் பின்பற்றும் முறை.
மூன்றாவது, ஆம் ஆத்மி டெல்லி தேர்தலில் தோற்கப் போவதை அவர் உணர்ந்திருக்கிறார். அவரது பெயரை வைத்து இனி டெல்லி மக்கள் ஆம் ஆத்மி கட்சிக்கு வாக்களிக்கப் போவதில்லை. அதனால் மற்றொரு நபரை பலியாகத் தரப் போகிறார்” என்றார்.
