ஒரத்தநாடு தெற்கு ஒன்றிய திமுக சார்பில் பொது உறுப்பினர்கள் கூட்டம் நேற்று நடைபெற்றது. இதில் முன்னாள் எம்.எல்.ஏக்கள் எம்.ராமச்சந்திரன், மகேஷ் கிருஷ்ணசாமி, மாவட்ட பொருளாளர் எல்.ஜி.அண்ணா உள்ளிட்ட பலர் கலந்து கொண்டனர். இக்கூட்டத்தில், தெற்கு ஒன்றிய செயலாளர் முருகையனுக்கு எதிராக நிர்வாகிகள் மற்றும் உறுப்பினர்கள் பலரும் கேள்வி எழுப்பி வாக்குவாதத்தில் ஈடுபட்டனர். இதனால் சலசலப்பு ஏற்பட்டது.
இது குறித்து திமுக தரப்பில் சிலரிடம் பேசினோம், “தெற்கு ஒன்றியச் செயலாளர் கட்சியினரை மதிப்பதில்லை. அவருக்கு நெருக்கமாக இருக்கும் நான்கு பேரை மட்டும் வளர்த்து விடுகிறார். மற்றவர்களுக்கு கட்சி தொடர்பான விஷயங்களை தெரியப்படுத்துவதில்லை. அவரது நடவடிக்கையால் நிர்வாகிகள் மற்றும் உறுப்பினர்கள் அவர் மீது அதிருப்தியில் இருந்தனர். இந்த நிலையில் பொது உறுப்பினர்கள் கூட்டம் நடைபெற்றது. அப்போது முருகையனுக்கு எதிராக பலரும் பேசினர். மேடைக்கு சென்று அவருடன் வாக்கு வாதத்தில் ஈடுபட்டனர்.
