ரயில்களில் பயணிக்கும் பயணிகளுக்கு மேம்பட்ட பயணத்தை வழங்கும் பொருட்டு இந்திய ரயில்வே அவ்வப்போது பல வசதிகளையும், முயற்சிகளையும் எடுத்து வருகிறது. அந்த வகையில் இப்போது, உயர் தரமான மிருதுவான மற்றும் நீண்ட காலம் உழைக்க கூடிய வகையிலான லினென் துணியில் அமைந்த போர்வைகளை பயணிகளுக்கு வழங்க இந்திய ரயில்வே முடிவு செய்துள்ளது. இந்த முடிவை ரயில் பயணிகள் வெகுவாக வரவேற்றுள்ளனர்.
தூய்மையாக இல்லாத ரயில் பெட்ஷீட் மற்றும் தலையணைகள்
நீங்கள் ஏசி பெட்டிகளில் பயணம் செய்தாலும், ஸ்லீப்பர் பெட்டிகளில் பயணம் செய்தாலும், வசதியாக தூங்க பெட்ஷீட் மற்றும் தலையணை தேவைப்படுகிறது. ஆனால் ரயில் பயணத்தில் அவற்றையெல்லாம் நாம் தூக்கிக்கொண்டு செல்ல முடியாது. மாறாக, ரயில்வேயில் வழங்கப்படும் தலையணை மற்றும் பெட்ஷீட்டுகளை நாம் பயன்படுத்திக் கொள்ளலாம். ஆனால், ரயில்வே வழங்கும் பெட்ஷீட்டுகளும், தலையணைகளும் தூய்மையாக இல்லை மற்றும் தரமானதாக இல்லை என பயணிகள் வெகு காலமாக புகார் தெரிவித்து வந்தனர்.
புதிய தரம் உயர்ந்த லினென் அறிமுகம்
இந்நிலையில் இதை சரி செய்யும் விதமாகவும் ரயில் பயணிகளின் பயணங்களை இன்னும் சௌகர்யமாக மாற்றவும் உயர் தரமான மிருதுவான மற்றும் நீண்ட காலம் உழைக்க கூடிய வகையிலான லினென் துணியில் அமைந்த போர்வைகளை பயணிகளுக்கு இந்திய ரயில்வே வழங்க முடிவுசெய்துள்ளது. ஆகையால் இனிமேல் ரயில் பயணம் இன்னும் சிறப்பாக இருக்கும் என எதிர்பார்க்கப்படுகிறது.
அதி மென்மையான, காற்றுப்புகக்கூடிய துணி
பயணிகளின் வசதியை கணிசமாக மேம்படுத்தும் வகையில் வடிவமைக்கப்பட்ட புதிய பிரீமியம் லினன் சேகரிப்பை இந்திய ரயில்வே அறிமுகப்படுத்தியுள்ளது. ரயில் பயணிகளின் ஒட்டுமொத்த பயண அனுபவத்தை மேம்படுத்துவதை நோக்கமாகக் கொண்ட இந்த லினென் துணி வகை, அதி மென்மையான, காற்றுப்புகக்கூடிய துணி மற்றும் அதிகரித்த ஆயுள் ஆகியவற்றைக் கொண்டுள்ளது.
சிறந்த வசதி மற்றும் விருந்தோம்பலுக்கு உறுதி
இந்திய தரநிலைகள் பணியகத்துடன் இணைந்து, இந்திய ரயில்வேயின் விரிவான ஆராய்ச்சி மற்றும் மேம்பாட்டின் மூலம் புதிய துணிகள் உருவாக்கப்பட்டன. சிறந்த வசதி மற்றும் விருந்தோம்பல் துறையுடன் ஒப்பிடக்கூடிய பயண அனுபவத்தை உறுதி செய்வதற்காக அவை உலகளவில் அங்கீகரிக்கப்பட்ட பிராண்டுகளிலிருந்து பெறப்படுகின்றன.
BIS தரத்துடன் வரும் ரயில் பெட்ஷீட்டுகள்
உலகப் புகழ்பெற்ற பிராண்டுகளின் ஆலோசனையுடன் இந்திய ரயில்வேயின் கடுமையான ஆராய்ச்சி மற்றும் மேம்பாட்டுக்குப் பிறகு இந்த துணி வடிவமைக்கப்பட்டுள்ளதாகக் கூறப்பட்டுள்ளது. இந்த துணிகள் BIS தரத்துடன் இருக்கும். இது பயணிகளுக்கு அதிகபட்ச வசதியையும் இனிமையான பயண அனுபவத்தையும் வழங்கும் என்று இந்திய ரயில்வே தெரிவித்துள்ளது.
விரைவில் அனைத்து ரயில்களிலும்
புதிய லினன்கள் ராஞ்சி ராஜ்தானி எக்ஸ்பிரஸில் ஆகஸ்ட் 14 ஆம் தேதி அறிமுகப்படுத்தப்பட்டு, ஆகஸ்ட் 17 ஆம் தேதி பிலாஸ்பூர் ராஜ்தானி எக்ஸ்பிரஸ்ஸில் அறிமுகமாகிறது. இந்த முயற்சி ஆரம்பத்தில் சோதனை செய்யப்படும், மேலும் பயணிகளின் கருத்தைப் பொறுத்து மேலும் செயல்படுத்தப்படும் என்று வடக்கு ரயில்வே குறிப்பிட்டது. படிப்படியாக இந்தியாவில் ஓடும் அனைத்து ரயில்களுக்கும் இந்த வசதி அறிமுகப்படுத்தப்படும் என்று தெரிவிக்கப்பட்டுள்ளது. இது தற்போது சோதனை அடிப்படையில் செய்யப்படுகிறது, மேலும் பயணிகளிடமிருந்து பெறப்படும் கருத்துகளின் அடிப்படையில் இது பெருக்கப்படும், என்று இந்திய ரயில்வே தெரிவித்துள்ளது.
