நடிகை கௌதமி நிலத்தை மோசடி செய்த நிலவிற்பனையாளர் அழகப்பன் என்பவர் கைது செய்யப்பட்டுள்ளதாக தகவல் வெளியாகியுள்ளது.
திரைப்பட நடிகை கௌதமிக்கு சொந்தமான இடம் திருவள்ளூர் மாவட்டம் கோட்டையூர் பகுதியில் இருப்பதாக கூறப்படுகிறது. இந்த நிலத்தை விற்பனை செய்ய கடந்த 2015 ஆம் ஆண்டு நிலபுரோக்கர் ஆன சென்னை வேளச்சேரி பகுதியைச் சேர்ந்த அழகப்பன் எனபவரிடம் திரைப்பட நடிகை கௌதமி உதவி கேட்டுள்ளார்.
அதனைத் தொடர்ந்து நடிகை கௌதமி நிலத்தை விற்பனை செய்வதற்காக நிலதரகர் அழகப்பன் பெயரில் காஞ்சிபுரம் மாவட்டம் சுங்குவார்சத்திரத்தில் உள்ள சார் பதிவாளர் அலுவலகத்தில் பவர் உரிமை செய்து கொடுத்ததாக கூறப்படுகிறது.
இந்தநிலையில், அழகப்பன் தனது நண்பரான ரகுராமன், சுகுமாரன் மற்றும் பலராமன் ஆகியோருடன் சேர்ந்து மேற்படி சொத்துக்களை அபகரித்துக் கொண்டு அதற்கு உண்டான பணத்தையும் கொடுக்காமல் மோசடி செய்தது தெரியவந்துள்ளது.
இதனால் பாதிக்கப்பட்ட நடிகை கௌதமி நிலத்தரகர் அழகப்பன் தன்னை ஏமாற்றிவிட்டார் கூறி காஞ்சிபுரம் மாவட்ட குற்றப்பிரிவு போலீசில் புகார் அளித்தார். நடிகை கௌதமி அளித்த புகாரின் பெயரில் காஞ்சிபுரம் மாவட்டம் குற்ற பிரிவு போலீசார் வழக்கு பதிவு செய்தனர்.
அழகப்பன் மற்றும் அவரது நண்பர்களை தீவிரமாக தேடி வந்த நிலையில், வேறு சில வழக்குகளில் கைது செய்யப்பட்டு நீதிமன்றத்தில் ஜாமீன் பெற்று இருந்த அழகப்பனை காஞ்சிபுரம் மாவட்ட குற்றப்பிரிவு போலீசார் நேற்று சென்னையில் வைத்து கைது செய்துள்ளதாக தகவல் வெளியாகி உள்ளது.
காவல்துறையின் நடவடிக்கையை வரவேற்கிறேன்