ஷில்பா ஷெட்டி மற்றும் ராஜ் குந்த்ரா மீதான குற்றச்சாட்டுகள்
ஷில்பா ஷெட்டி மற்றும் ராஜ் குந்த்ரா ஆகியோர் 2014ஆம் ஆண்டில் ஒரு திட்டத்தை அறிமுகப்படுத்தியதாகவும், இதன் கீழ் முதலீடு செய்ய விரும்பும் எவரும் விண்ணப்பிக்கும்போது, தள்ளுபடி விலையில் தங்கத்தை முழுமையாக செலுத்த வேண்டும் என கூறியிருந்ததாக, பிருத்விராஜ் கோத்தாரி என்பவர் புகாரில் குறிப்பிட்டுள்ளார்.
ஒப்புக்கொள்ளப்பட்ட அளவு தங்கம் முதிர்வு தேதியில் வழங்கப்படும் என்று கூறப்பட்டுள்ளது. இதன் விளைவாக, ஏப்ரல் 2, 2019 அன்று 5,000 கிராம் 24 காரட் தங்கம் கிடைக்கும் என்ற உறுதியின் பேரில் ஐந்தாண்டு திட்டத்தின் கீழ், பிருத்விராஜ் கோத்தாரி, ரூ .90,38,600 முதலீடு செய்தார்.
வாக்குறுதியளிக்கப்பட்ட அளவு தங்கம் முதிர்வு தேதியிலும், அதற்குப் பிறகும் தனக்கு வழங்கப்படவில்லை என்று கோத்தாரி குற்றம்சாட்டினார்.
இது முற்றிலும் போலியான திட்டம் என்று கூறிய பிருத்விராஜ் கோத்தாரி, நடிகை ஷில்பா ஷெட்டியும் அவரது கணவர் ராஜ்குந்த்ராவும் சதி செய்ததாகவும், ஒருவருக்கொருவர் உடந்தையாக இருந்ததாகவும், குற்றம்செய்ததாகவும் பிருத்விராஜ் கோத்தாரி குற்றம்சாட்டினார்.
