நாடாளுமன்றத்தின் 543 மக்களவை தொகுதிகளுக்கும் நடைபெற்று முடிந்துள்ள தேர்தலில் பெரும்பான்மை இடங்களில் வெல்லப்போவது யார்? என்பதை முன்கூட்டியே கணிக்கும் தேர்தலுக்குப் பிந்தைய கருத்துக்கணிப்பு முடிவுகள் வெளிவந்துள்ளன.
ரிபப்ளிக் டிவியின் தேர்தலுக்குப் பிந்தைய கருத்துக்கணிப்பு முடிவுகளின்படி,
-
பாஜக தலைமையிலான ’தேசிய ஜனநாயகக் கூட்டணி’ –> 353 – 368 இடங்கள்
-
காங்கிரஸ் உள்ளிட்ட எதிர்க்கட்சிகளின் ’இந்தியா கூட்டணி’ –> 118 – 133 இடங்கள்
-
இதர கட்சிகள் –> 43 – 48 இடங்கள்
அதிக எண்ணிக்கையிலான மக்களவைத் தொகுதிகளை உள்ளடக்கிய உத்தர பிரதேசத்தில் மொத்தமுள்ள 80 தொகுதிகளில், பாஜக தலைமையிலான தேசிய ஜனநாயகக் கூட்டணி (55.6% வாக்குகள்) 69 – 74 இடங்களிலும், காங்கிரஸ் உள்ளிட்ட எதிர்க்கட்சிகளின் ’இந்தியா கூட்டணி’ (33.5% வாக்குகள்) 6 – 11 இடங்களிலும் வெற்றி பெற வாய்ப்புள்ளதாகத் தெரிவிக்கப்பட்டுள்ளது. இதர கட்சிகள் (8.2% வாக்குகள்) ஒரு இடத்தில் கூட வெற்றி பெற வாய்ப்பில்லை என கணிக்கப்பட்டுள்ளது.
மகாராஷ்டிரத்தில் மொத்தமுள்ள 48 தொகுதிகளில், பாஜக தலைமையிலான தேசிய ஜனநாயகக் கூட்டணி 29 இடங்களிலும் (45% வாக்குகள்), காங்கிரஸ் உள்ளிட்ட எதிர்க்கட்சிகளின் ’இந்தியா கூட்டணி’ 19 இடங்களிலும் (41% வாக்குகள்) வெற்றி பெற வாய்ப்புள்ளதாகத் தெரிவிக்கப்பட்டுள்ளது. இதர கட்சிகள் (14% வாக்குகள்) ஒரு இடத்தில் கூட வெற்றி பெற வாய்ப்பில்லை என கணிக்கப்பட்டுள்ளது.
