குறிப்பாக, பிட்புல் டெரியர், தோசா இனு, அமெரிக்கன் ஸ்டப்போர்டு ஷயர் டெரியர், பிலா ப்ரேசிலேரியா, டோகா அர்ஜென்டினா, அமெரிக்கன் புல் டாக், போயர் போயல், கன்கல், சென்ட்ரல் ஆசியன் ஷெபர்டு டாக், காக்கேஷியன் ஷெபர்டு டாக், சௌத் ரஷ்யன் ஷெபர்டு டாக், டோன் ஜாக், சர்ப்ளேனினேக், ஜாப்னிஸ் தோசா, அகிதா மேஸ்டிப், ராட்வைலர்ஸ், டெரியர், ரொடீசியன் ரிட்ஜ்பேக், உல்ப் டாக், கேனரியோ அக்பாஸ் டாக், மாஸ்கோ கார்ட் டாக், கேன்கார்சோ மற்றும் பேண்டாக் என பொதுவாக அழைக்கப்படும் வகைகள் மேற்படி நாய் இனங்கள் மற்றும் அவைகளின் கலப்பினங்கள் இறக்குமதி செய்வதற்கும், இனப்பெருக்கம் செய்வதற்கும், வளர்ப்பு பிராணிகளாக விற்பனை செய்வதற்கும் மற்றும் இவைகளின் எல்லா வகை பயன்பாட்டையும் தடை செய்யப்பட்டிருக்கிறது” எனத் தெரிவித்திருக்கிறது.
மேலும், “தற்போது வளர்ப்பு பிராணியாக மேற்கண்ட இவ்வகை நாய்களை வைத்திருப்போர் அவற்றை உடனடியாக ஆண், பெண் கருத்தடை அறுவை சிகிச்சை செய்து இனப்பெருக்கம் செய்யாதவாறு பார்த்து கொள்ளவேண்டும். நாய் வளர்ப்பவர் நாயை வெளியில் பொது இடங்களுக்கு கூட்டி செல்லும்போது கட்டாயமாக இணைப்பு சங்கிலி மற்றும் தற்காப்பு முககவசம் அணிந்து அழைத்து செல்லவேண்டும். அந்த இணைப்பு சங்கிலியின் அளவானது நாயின் மூக்கு நுனியிலிருந்து வால் அடிப்பகுதி முடியும் வரை அதன் உடல் அகலத்துக்கு ஏற்பவாறு இருக்க வேண்டும். நல்ல தரமான கழுத்துப்பட்டை, தோள்பட்டை அணிவித்து நாய் உரிமையாளர்கள் தங்கள் செல்லப் பிராணிகளை வெளியே அழைத்துச் செல்வது, செல்லப் பிராணிகளுக்கும், பொதுமக்களுக்கும் பாதுகாப்பாக அமையும்!” என அறிவுறுத்தியிருந்தது.
இந்த நிலையில், இந்த உத்தரவை திடீரென கால்நடை பராமரிப்பு துறை திரும்ப பெற்றிருப்பதாகத் தகவல்கள் வெளியாகியிருக்கின்றன. அதாவது, தமிழக கால்நடை பராமரிப்பு துறையின் உத்தரவு என்பது மத்திய அரசின் உத்தரவை பின்பற்றியே அமைந்திருக்கிறது. ஆனால், 23 வகையான நாய்கள் இனத்துக்கு தடை விதித்த மத்திய அரசின் அறிவிப்புக்கு எதிராக ஏற்கெனவே இந்தியாவின் பல்வேறு நீதிமன்றங்களில் வழக்குத் தொடரப்பட்டிருக்கின்றன. அந்த வழக்கில் பல நீதிமன்றங்கள் மத்திய அரசின் உத்தரவை ரத்து செய்தும், அறிவிப்புக்க்கு இடைக்கால தடை உத்தரவும் பிறப்பித்திருக்கின்றன. இந்த குழப்பமான சூழ்நிலையில், தமிழக கால்நடை பராமரிப்புத் துறை தனது தடை உத்தரவை திரும்ப வாபஸ் பெற்றிருக்கிறது. அதேசமயம் கட்டுப்பாட்டு விதிமுறைகள் தளர்த்தப்படவில்லை. மேலும், அதேநேரம் விரிவான ஆலோசனைக்குப் பிறகு மீண்டும் அடுத்த உத்தரவு வரும்!” என்கிறார்கள் விவரமறிந்த அதிகாரிகள்.
Junior Vikatan-ன் பிரத்யேக Whatsapp Group…
இணைவதற்கு இங்கே க்ளிக் செய்யவும்… https://tinyurl.com/crf99e88
வணக்கம்,
BIG BREAKINGS முதல்… அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.
ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்… https://tinyurl.com/crf99e88
