வாக்குப்பதிவு முடிந்து 48 மணி நேரத்துக்குள் வாக்குப்பதிவு தரவுகள் வெளியிடப்பட வேண்டும் என்று உத்தரவிடக் கோரி உச்ச நீதிமன்றத்தை நாடியிருக்கிறது ஜனநாயக சீர்திருத்தங்களுக்கான கழகம்.
நாடு முழுவதும் நடைபெற்று வரும் மக்களவைத் தேர்தலில், இதுவரை நடந்த வாக்குப்பதிவு விவரங்களை, தேர்தல் முடிந்து ஒருசில நாள்களுக்குப் பிறகே தேர்தல் ஆணையம் வெளியிட்டுள்ளது. முதல் கட்டத் தேர்தல் ஏப்ரல் 19ஆம் தேதி நடைபெற்ற நிலையில், 11 நாள்களுக்குப் பிறகும், இரண்டாம் கட்டத் தேர்தல் ஏப்ரல் 26ஆம் தேதி நடந்த நிலையில் 4 நாள்களுக்குப் பிறகே தேர்தலில் பதிவான வாக்கு விவரங்கள் வெளியிடப்பட்டன.
அதிலும், முதற்கட்டமாக வெளியான வாக்குப்பதிவு தரவுகளுக்கும், இறுதியாக வெளியான தரவுகளுக்கும் இடையே 5 சதவீத வாக்கு வித்தியாசம் இருந்தது.
