Spider-Man: Across the Spider-Verse (ஆங்கிலம்)
சூப்பர் ஹீரோவான ஸ்பைடர் மேன் கதாபாத்திரம் இந்திய ரசிகர்களுக்கு மிகவும் நெருக்கமான கதாபாத்திரம். பல வெர்ஷனில் பல திரைப்படங்கள் இந்த ஸ்பைடர்-மேன் கதாபாத்திரத்தைத் தழுவி வந்தாலும் இதற்கெனத் தனி ரசிகர்கள் பட்டாளமே இருக்கிறது. அந்த வகையில் ஜோகிம் டாஸ் சாண்டோஸ், கெம்ப் பவர்ஸ், ஜஸ்டின் கே. தாம்சன் ஆகியோர் இயக்கத்தில் ஷமேக் மூர், ஹெய்லி ஸ்டெய்ன்ஃபீல்ட், ஆஸ்கர் ஐசக் நடிப்பில் உருவாகியுள்ள ஹாலிவுட் அனிமேஷன் திரைப்படம் `ஸ்பைடர்-மேன்: அக்ராஸ் தி ஸ்பைடர்-வெர்ஸ்’ (Spider-Man Across The Spider-verse).
பல்வேறு பிரபஞ்சங்களின் விதவிதமான ஸ்பைடர்மேன்களை உள்ளடக்கிய கதையான இதில் இந்திய ஸ்பைடர்மேனான பவித்ர பிரபாகரின் காட்சிகளும் இதில் இடம்பெற்றுள்ளன. இத்திரைப்படம் தமிழ் உள்ளிட்ட 10 மொழிகளில் ஜூன் 1ம் தேதி திரையரங்குகளில் வெளியாகியுள்ளது.
