தமிழகத்தில் கோடைகாலம் துவங்குவதற்கு முன்பே வெயிலின் தாக்கம் அதிகரித்தது. தற்போது கோடை காலம் துவங்கிய நாளில் இருந்தே தமிழகம் முழுவதும் வெப்பம் அதிகரித்தது. குறிப்பாக தமிழகத்தில் 10 மாவட்டங்களில் நூற்றுக்கும் மேல் டிகிரி பதிவாகி வருகிறது.
கோடை காலம்
சேலத்தில் கடந்த சில நாட்களாக 105 டிகிரி வெப்பம் பதிவாகியது. இதனால் பொதுமக்கள் வெளியில் வராத அளவிற்கு வெப்பம் சுட்டெரித்தது. இந்த நிலையில் சேலம் மாநகரின் போக்குவரத்தில் பணிபுரியும் காவலர்கள் வெயிலின் தாக்கத்தால் அவதியுற்று வந்தனர்.
தெர்மாகோல் தொப்பி
சேலம் மாநகரில் பணிபுரிந்து வரும் 125 போக்குவரத்து காவலர்களுக்கு வெய்யில் தாக்கம் ஏற்படாத வகையில் வடிவமைக்கப்பட்ட தெர்மாகோல் தொப்பிகளை மாநகர காவல் ஆனையாளர் விஜயகுமாரி இன்று காவலர்களுக்கு அணிவித்து நீர் மோர் வழங்கினார்.
நீர்மோர்
இது குறித்து மாநகர காவல் ஆணையாளர் விஜயகுமாரி கூறும்போது, சேலத்தில் கடந்த சில தினங்களாக வெயிலின் தாக்கம் அதிகரித்து வருகிறது. மாநகரில் போக்குவரத்தில் பணிபுரியும் 125 காவலர்களுக்கு தொப்பி மற்றும் நீர்மோர் மற்றும் தர்பூசனி வழங்கபட்டது. இதன் மூலம் வெயிலின் தாக்கம் காவலர்களுக்கு சற்று தனியும் என்றும் தெரிவித்தார்.
மக்கள் சேவகன் அறக்கட்டளைபோக்குவரத்து காவலர்களுக்கு நீர்மோர் மற்றும் தர்பூசணியை மக்கள் சேவகன் என்ற அறக்கட்டளையினர் வருகின்ற கோடை காலம் முடியும் வரை போக்குவரத்து காவலர்கள் பணி புரியும் இடத்திற்கு சென்று வழங்குவார்கள் என தெரிவித்தார். இதுபோன்று சேவை செய்யும் அறக்கட்டளைக்கு தனது நன்றியையும் பாராட்டுகளையும் கூறினார்.
