கோப்புப்படம்.
ஜனவரி 22 நடக்கவிருக்கும் ராமர் கோயில் சிலை பிரதிஷ்டை நிகழ்வில் கலந்து கொள்பவர்களுக்கு நினைவுப் பரிசுகள் வழங்கப்படும் என உத்தரப் பிரதேச அரசு தெரிவித்துள்ளது.
நாடு முழுவதுமிருந்து 11,000 பேருக்கு அழைப்பு விடப்பட்டிருப்பதாக ராமர் கோயில் அறக்கட்டளை நிர்வாகிகள் தெரிவித்துள்ளனர். 7,500 பேருக்கு மட்டுமே இருக்கை வசதிகள் ஏற்பாடு செய்திருப்பதாக அயோத்தி காவல்துறை ஆணையர் கௌரவ் தயால் தெரிவித்துள்ளார்.
பங்குபெறும் அனைத்து பக்தர்களுக்கும் ராமர் கோயில் மண் சிறிய டப்பாவில் அடைத்துத் தரப்படும் எனத் தெரிவித்துள்ளனர். ராமர் கோயில் மண் அனைவர் வீட்டிலும் இருப்பது நல்ல விஷியம் என கோயில் நிர்வாகிகள் தெரிவித்துள்ளனர்.
இதையும் படிக்க: கட்டி முடிக்காத ராமர் கோயிலுக்கு ஏன் திறப்புவிழா?, தலைமை அர்ச்சகர் பதில்!
அந்த மண்ணை அவர்கள் பூஜையறையிலோ, அல்லது தோட்டத்தில் செடி வளர்ப்பதற்கோ கூட பயன்படுத்திக்கொள்ளலாம் எனத் தெரிவித்துள்ளனர். ஜனவரி 22 திறப்பு விழாவிற்கு வரமுடியாத பக்தர்கள் எப்போது வருகிறார்களோ அப்போது ராமர் கோயில் மண்ணை பெற்றுக்கொள்ளலாம் எனத் தெரிவிக்கப்பட்டுள்ளது.
இந்திய பாரம்பரியத்தில் செய்யப்பட்ட நெய்யால் செய்த லட்டு பிரசாதமாக வழங்கப்படும் எனத் தெரிவித்துள்ளனர். விழாவின் சிறப்பு விருந்தினர்களுக்கு குறியீடுகள் (Code) வழங்கப்படும் என்றும் அதன்படியே அவர்களுக்கு இருக்கைகள் வழங்கப்படும் எனவும் காவல் ஆணையர் தெரிவித்துள்ளார்.
செய்திகள் உடனுக்குடன்… வாட்ஸ்ஆப் சேனலில் ‘தினமணி’யைப் பின்தொடர…
