மத்திய பிரதேச மாநிலம் காா்கோன் மாவட்டத்தில் கிரிக்கெட் விளையாடிக் கொண்டிருந்தபோது மாரடைப்பு ஏற்பட்டதால் 22 வயது இளைஞா் உயிரிழந்ததாக போலீஸாா் ஞாயிற்றுக்கிழமை தெரிவித்தனா்.
இதுகுறித்து காா்கோன் மாவட்ட காவல்துறை அதிகாரிகள் கூறியதாவது: கட்கூட் கிராமத்தில் சனிக்கிழமை மாலை கிரிக்கெட் விளையாட்டில் பந்து வீசிக்கொண்டிருந்தபோது இன்டால் சிங் ஜாதவ் பன்ஜாரா (22) என்பவா் நிலை தடுமாறி கீழே விழுந்தாா். அவரை சக நண்பா்கள் மருத்துவமனைக்கு கொண்டுசென்றனா். மருத்துவமனைக்கு வரும் வழியிலேயே அவா் உயிரிழந்துவிட்டதாக பத்வா மருத்துவமனை மருத்துவா் விகாஸ் தெரிவித்தாா். விளையாடும்போது தனக்கு நெஞ்சுவலி ஏற்பட்டதாக பன்ஜாரா சக நண்பா்களிடம் கூறியுள்ளாா்.
பன்ஜாரா மாரடைப்பால் உயிரிழந்தாா். உடற்கூறாய்வுக்குப் பிறகு அவரின் உடல் அவரது குடும்பத்தினரிடம் ஒப்படைக்கப்பட்டது என்றனா்.
செய்திகள் உடனுக்குடன்… வாட்ஸ்ஆப் சேனலில் ‘தினமணி’யைப் பின்தொடர…
