நெல்லை மாவட்டத்தில் இன்று கலைஞர் நூற்றாண்டு விழாவை முன்னிட்டு வேலை வாய்ப்பு முகாம் நடைபெற்றது. இதில், தமிழ்நாடு சட்டப்பேரவைத் தலைவர் அப்பாவு கலந்து கொண்டு பணி ஆணைகளை வழங்கினார்.
அப்போது, மதுரையில் அமலாக்கத்துறை அலுவலகத்தில் அதிரடியாக சோதனை மேற்கொண்டது தொடர்பாகவும், திண்டுக்கல்லில் அரசு மருத்துவர்கள் மிரட்டி பணம் பறிக்கப்பட்டது தொடர்பாக கேள்விகள் எழுப்பப்பட்டது. அப்போது பதிலளித்த அவர், ”மத்திய அரசானது அங்கு இருக்கக்கூடிய புலனாய்வு, அமலாக்கத்துறை, வருமானவரித்துறை ஆகிய 3 துறைகளிலும் இடைத்தரகர்கள் பல பேர் செயல்படுகிறார்கள். அவ்வாறு இருக்கக்கூடிய இடைத்தரகர்கள் பலர் தமிழ்நாட்டில் இருக்கக்கூடிய முக்கிய அரசியல் தலைவர்கள், தொழிலதிபர்களை மிரட்டி, அவர்களுக்கு அழுத்தம் கொடுத்து பணம் பறிக்கும் கும்பலாக செயல்படுகின்றனர்.
எனக்கும் இதுபோன்று ஒரு இடைத்தரகர், என் நண்பர்கள் மூலமாக எனக்கு தெரிந்த நபர்கள் மூலமாக என்னிடம் பேசினார். நான் எந்த ஒரு பதிலும் கொடுக்கவில்லை. இருப்பினும் அவர்கள் என்னை சில நாட்கள் தலைமறைவாக இருக்க சொன்னார்கள். அதுமட்டுமின்றி, சில காலத்திற்கு என்னுடைய தொலைபேசி எண்ணை மாற்றிவிட வேண்டும் என சொன்னார்கள்” என்று பல தகவல்களை சபாநாயகர் அப்பாவு கூறியுள்ளார்.
என்னையும் ஒரு சில இடைத்தலைவர்கள் மூலம் மிரட்டினார்கள் 10 கோடி 15 கோடி தருகிறேன் என்றார்கள் நான்தான் வாங்க மாட்டேன் என்று கூறி வாங்கவில்லை மேலும் என்னை ஒரு சில நாட்களுக்கு தலைமுறைவாக இருக்கும் படி கூறினார்கள் நான்தான் அதை ஏற்றுக் கொள்ளாமல் வெளிப்படையாக வாழ்ந்து வருகிறேன் எனது செல்போன் நம்பரையும் மாற்றிக் கொள்ளும்படி என்னிடம் கூறினார்கள் ஆனால் நான் எனது செல்போன் நம்பரை மாற்றவில்லை. மத்திய அமைச்சர் பதவி தருகிறேன் என்றும் மாநில கவர்னர் பதவியை தருகிறேன் என்றும் ஆசை வார்த்தைகள் கூறினார்கள் ஆனால் நான் ஏற்றுக்கொள்ளவே இல்லை