திருப்பூர் செல்லாண்டியம்மன் துறை பகுதியில் உள்ள இந்து இடுகாட்டில், கிறிஸ்தவரின் உடல் புதைக்கப்பட்டதாக பாஜகவினர் முற்றுகை போராட்டம் நடத்தினர்.
அடக்கம் செய்யப்பட்டவரின் உடலை அப்புறப்படுத்த வேண்டும் எனவும் போராட்டம் செய்யப்பட்ட நிலையில், போலீசார் வந்து பேச்சுவார்த்தை நடத்தினர்.
அடக்கம் செய்யப்பட்ட ரவியின் தாயார் இங்கு புதைக்கப்பட்டுள்ள நிலையில், சமீபத்தில் கிறிஸ்தவ மதத்துக்கு மாறிய ரவியின் உடலும் அவர் ஏற்கனவே தெரிவித்தபடி இங்கேயே புதைக்கப்பட்டது. இந்துமுறைப்படி சடங்குகள் செய்யப்பட உள்ளதாக உறவினர்கள் கூறியதை அடுத்து போராட்டத்தை பாஜகவினர் கைவிட்டனர்.
