Last Updated:
இறந்தவர்களை வாக்காளர் பட்டியலில் சேர்க்க ராகுல் காந்தி விரும்புவதாக நாக்பூரில் நடைபெற்ற பேரணியில் மகாராஷ்டிரா துணை முதலமைச்சர் தேவேந்திர ஃபட்னாவிஸ் குற்றம்சாட்டியுள்ளார்.
இந்தியத் தலைமைத் தேர்தல் ஆணையர் ஞானேஷ் குமார் பதவி விலக வேண்டும் என வலியுறுத்தி காங்கிரஸ் உள்ளிட்ட இந்தியா கூட்டணி பல்வேறு போராட்டங்களையும், பேரணிகளையும் முன்னெடுத்து வருகிறது. இதற்கு எதிராக பாஜக ’ஜனநாயகத்தைக் காப்போம்; அராஜகத்தை அகற்றுவோம்’ எனும் பேரணியை முன்னெடுத்து வருகிறது.
அந்த வகையில் இன்று மகாராஷ்டிரா மாநிலம், நாக்பூரில் நடைபெற்ற ’ஜனநாயகத்தைக் காப்போம்; அராஜகத்தை அகற்றுவோம்’ பேரணியில் அம்மாநில முதலமைச்சர் தேவேந்திர ஃபட்னாவிஸ், பொதுக் கூட்டத்திலும் பேசினார். அப்போது தேவேந்திர ஃபட்னாவிஸ், “நாம் விழிப்புணர்வுடன் இல்லையென்றால், ராகுல் காந்தி கொண்டு வந்துள்ள சர்வதேசச் சதி ஆபத்தாக முடியும்” என பேசியுள்ளார்.
பொது கூட்டத்தில் முதலமைச்சர் தேவேந்திர ஃபட்னாவிஸ் பேசியதாவது; “அரசியலமைப்பைக் காக்க நாம் அனைவரும் வீதிக்கு வந்திருக்கிறோம். மூன்று கோடிப் பெயர்கள் நீக்கப்பட்டுள்ளன. ஏனெனில் அந்த நபர்கள் இறந்து சொர்க்கத்திற்குச் சென்றுவிட்டனர். இப்போது ராகுல் காந்தி, அவர்களின் வாக்குகளை மீண்டும் கொண்டுவர விரும்புகிறார்.
ஒருவேளை, அந்த இறந்த ஆன்மாக்கள் மீண்டும் வந்து தனக்கு வாக்களிப்பார்கள் என்று அவர் எதிர்பார்க்கிறாரோ என்னவோ. வங்கதேசத்தவர்கள் வெளியேற்றப்பட்டு வரும் நிலையில், அவர்களுக்கு வாக்குரிமை வழங்கி பெரும்பான்மையைக் கைப்பற்ற அவர்கள் நினைக்கிறார்கள். ஆனால், எது நடந்தாலும், வங்கதேசத்தவர்கள் இந்தியாவில் தங்குவதையோ அல்லது வாக்களிப்பதையோ நாம் அனுமதிக்க மாட்டோம்.
Nagpur | Maharashtra Chief Minister Devendra Fadnavis says, “We have all come onto the streets to save the Constitution. Three crore names have been removed because those people have passed away and gone to heaven. Now Rahul Gandhi wants their votes to be brought back. Perhaps he wants those deceased souls to return because he expects them to vote for him. As Bangladeshis are being removed, they want to give them voting rights and steal the majority. But whatever happens, we will not allow Bangladeshis to stay in India or cast their votes. When the SIR was conducted in Kerala, how did Congress win there? Wherever we win, they claim democracy is in danger. Rahul Gandhi is playing a game of running away after losing. Yeh public sab jaanti hai — the public knows everything. If we do not remain alert, Rahul Gandhi has brought an international conspiracy. We must continue this fight until Rahul Gandhi’s anti-democratic thinking is eliminated”
(Pic Source: Nagpur BJP)— ANI (@ANI) November 5, 2026
கேரளாவில் ‘எஸ்.ஐ.ஆர்’ (SIR) நடத்தப்பட்டபோது, காங்கிரஸ் அங்கு எப்படி வெற்றி பெற்றது? நாம் வெற்றி பெறும் இடங்களிலெல்லாம், ஜனநாயகம் ஆபத்தில் இருப்பதாக அவர்கள் கூறுகிறார்கள். தேர்தலில் தோற்ற பிறகு ஓடிவிடும் விளையாட்டைத்தான் ராகுல் காந்தி விளையாடிக்கொண்டிருக்கிறார்.
மக்களுக்கு எல்லாம் தெரியும். நாம் விழிப்புணர்வுடன் இல்லையென்றால், ராகுல் காந்தி கொண்டு வந்துள்ள சர்வதேசச் சதி ஆபத்தாக முடியும். ராகுல் காந்தியின் ஜனநாயகத்திற்கு எதிரான சிந்தனை ஒழியும் வரை, நாம் இந்தப் போராட்டத்தைத் தொடர வேண்டும்” எனத் தெரிவித்துள்ளார்.
