Last Updated:
பஞ்சாப் மாநிலத்தில் ஆம் ஆத்மி கட்சியைச் சேர்ந்த மூன்று சட்டமன்ற உறுப்பினர்கள் பாஜகவில் இணைந்திருப்பது அம்மாநில அரசியலில் பெரும் பரபரப்பை ஏற்படுத்தியுள்ளது.
பஞ்சாப் மாநிலத்தைச் சேர்ந்த ஆம் ஆத்மி கட்சியின் சட்டமன்ற உறுப்பினர்கள் மூன்று பேர் பா.ஜ.க.வில் இணைந்தது அம்மாநில அரசியலில் பெரும் பரபரப்பை ஏற்படுத்தியுள்ளது.
முன்னாள் ஐபிஎஸ் அதிகாரியும், அமிர்தசரஸ் வடக்கு தொகுதி எம்.எல்.ஏ.வுமான குன்வர் விஜய் பிரதாப் சிங், நவம்பர் 1ஆம் தேதி முதல் தனது பதவியை ராஜினாமா செய்வதாக பஞ்சாப் சட்டப்பேரவைத் தலைவர் குல்தார் சிங் சாந்த்வானுக்கு கடிதம் எழுதியிருந்தார். மேலும் ஆம் ஆத்மி கட்சியிலிருந்தும் விலகினார்.
இதற்கிடையே, சமனா தொகுதி எம்.எல்.ஏ. சேத்தன் சிங் ஜௌரமஜ்ரா மற்றும் சனூர் தொகுதி எம்.எல்.ஏ. ஹர்மீத் சிங் பதான்மஜ்ரா ஆகியோரும் ஞாயிற்றுக்கிழமை ஆம் ஆத்மி கட்சியிலிருந்து விலகினர்.
இந்நிலையில், இவர்கள் மூவரும் தற்போது பாஜகவில் இணைந்துள்ளனர். டெல்லியில் உள்ள பாஜக தலைமை அலுவலகத்தில் அக்கட்சியின் பொதுச்செயலாளர் சதீஷ் பூனியா மற்றும் பஞ்சாப் மாநிலத் தலைவர் கேவல் சிங் தில்லான் ஆகியோர் முன்னிலையில் இந்த இணைப்பு நிகழ்ச்சி நடைபெற்றது.
