பொதுவாக பீடபூமிகளிலும், மலைத் தொடர்களிலும் உருவாகும் ஆறுகள் கிழக்கு நோக்கு பாய்ந்து வங்ககடலில் கலக்கும். உதாரணமாக, கிருஷ்ணா, மாகாநதி, கோதாவரி ஆகியவற்றை எடுத்துக் கொள்ளலாம். ஆனால், இந்த போக்கு மால்வா பீடபூமியில் உருவாகும் ஆறுகளுக்கு பொருந்துவதில்லை. உதாரணமாக, மால்வாவுக்குத் தெற்கே உள்ள அமர்கண்டக் பீடபூமியில் நர்மதை நதி உருவாகிறது. இது விந்திய மற்றும் சாத்பூரா மலைத்தொடர்களுக்கு இடையே உள்ள பிளவுப் பள்ளத்தாக்கு (Rift valley) வழியாக, மேற்கு நோக்கிப் பாய்ந்து அரபிக்கடலில் சென்றடைகிறது. நர்மதை நதிக்குத் தெற்கே பாயும் மற்றொரு முக்கிய நதி தபதி. இது மத்தியப் பிரதேசத்தின் பெதுல் மாவட்டத்தில் உள்ள ‘மூல்தாய்’ என்ற இடத்தில் உற்பத்தியாகிறது. நர்மதையைப் போலவே இதுவும் பிளவுப் பள்ளத்தாக்கில் மேற்கு நோக்கிப் பாய்ந்து, சுமார் 724 கி.மீ தூரம் பயணித்து அரபிக்கடலில் கலக்கிறது.
