விருதுநகர் மாவட்டம், சிவகாசி – ஸ்ரீவில்லிபுத்தூர் சாலையில் சாட்சியாபுரம் ரயில்வே கேட் பகுதியில் ரயில்வே மேம்பாலம் அமைக்க வேண்டும் என்பது சிவகாசி மக்களின் 30 ஆண்டுகால கோரிக்கையாக இருந்து வந்தது. ரயில்வே மேம்பாலம் இல்லாமல் பள்ளி கல்லூரி, மாணவ மாணவியர் மற்றும் பட்டாசு, அச்சக தொழிலாளர்கள் பொதுமக்கள் கடும் சிரமத்தை சந்தித்து வந்தனர். இந்நிலையில் கடந்த ஆண்டு 2024, ஜூலை மாதம் ரயில்வே மேம்பாலம் அமைக்கும் பணி 61 கோடி ரூபாய் மதிப்பீட்டில் துவங்கப்பட்டு தற்போது 100 சதவீதம் முழுமையாக நிறைவு பெற்றுள்ளது. 700 மீட்டர் நீளமும், 12 மீட்டர் அகலமும் கொண்ட இந்த ரயில்வே மேம்பாலத்தை தமிழக முதல்வர் மு.க.ஸ்டாலின் காணொளி காட்சி மூலம் மக்கள் பயன்பாட்டிற்கு திறந்து வைத்தார். பின்னர் இந்த மேமாலத்திற்கு சுதந்திரப் போராட்ட தியாகியும், மொழிப் போராட்ட வீரருமான சங்கரலிங்கனார் பெயர் சூட்டப்படும் என அறிவித்தார்.
