தஞ்சை பெரியகோவிலுக்கு வெளியே உள்ள மாமன்னர் ராஜராஜ சோழன் சிலையை கோயிலுக்குள் வைப்பது குறித்து பல தலைவர்களுடன் கலந்து ஆலோசித்து, அதன் அடிப்படையில் மத்திய அரசிடம் பரிசீலனை செய்வோம்.
நெல் கொள்முதல் தாமதத்தால், கொள்முதல் நிலையங்களில் நெல் மூட்டைகள் தேக்கம் அடைந்துள்ளன. மேலும், நெல் முளைத்து வீணாகி வருகிறது. நெல் மூட்டைகளுடன் லாரிகள் பல நாட்களாக காத்திருக்கின்றன. விவசாயிகள் போராட்டம் நடத்தி வருகின்றனர்.
ஆனால் இதைப் பற்றி கவலைப்படாமல் முதல்வரும், துணை முதல்வரும் சினிமா பார்த்து வருகின்றனர். விவசாயிகளின் கோரிக்கைகளை நிறைவேற்றாமல் ஏமாற்றி விட்டனர். இதுவரை கூறிய எதையும் தி.மு.க அரசு செயல்படுத்தவில்லை.
தி.மு.க ஆட்சிக்கு இன்னும் 140 நாட்களே உள்ளன. ஆட்சிக்கான கவுண்டவுன் தொடங்கி விட்டது. வரும் தேர்தலில் தேசிய ஜனநாயக கூட்டணி கண்டிப்பாக வெற்றி பெறும்,” என்றார்.
