Last Updated:
நவி மும்பை சர்வதேச விமான நிலையத்தை பிரதமர் மோடி திறந்தார். தாமரை வடிவில், 19,650 கோடி மதிப்பில், 1,160 ஹெக்டேரில் கட்டப்பட்டது.
மகாராஷ்ட்ரா மாநிலம் நவி மும்பையில் 19 ஆயிரத்து 650 கோடி ரூபாய் மதிப்பீட்டில் கட்டப்பட்டுள்ள சர்வதேச விமானநிலையத்தை பிரதமர் மோடி நாட்டுக்கு அர்பணித்தார்.
தெற்கு மும்பையில் இருந்து சுமார் 37 கிலோ மீட்டர் தொலைவில் உள்ள உல்வே பகுதியில் கட்டப்பட்டுள்ள இந்த விமான நிலையம், நாட்டின் தேசிய மலரான தாமரை வடிவில் கட்டப்பட்டுள்ளது. இந்தியாவின் முதல் டிஜிட்டல் மயமாக்கப்பட்ட விமான நிலையம் என்ற பெயரை பெற்றுள்ள நவி மும்பை விமான நிலையம் சுமார் 1,160 ஹெக்டேரில் 3 ஆயிரத்து 700 மீட்டர் நீளமுள்ள ஓடுதளத்துடன் கட்டப்பட்டுள்ளது.
ஆண்டுக்கு 2 கோடி பயணிகளை இந்த விமான நிலையம் கையாளும் என கூறப்படும் நிலையில் வரும் டிசம்பர் மாதம் விமான நிலையம் முழுவதும் செயல்படத் தொடங்கும் எனவும் தெரிவிக்கப்பட்டுள்ளது. தற்போது விமான நிலையத்தின் ஒரு முனையம் திறக்கப்பட்டுள்ள நிலையில் உள்நாடு மற்றும் வெளிநாடுகளுக்கு செல்லும் விமானங்கள் இங்கிருந்தே புறப்படும் என்றும், விமான நிலையத்தின் கட்டுமான பணிகள் முழுவதும் நிறைவடையும்போது 4 முனையங்கள் செயல்பாட்டுக்கு வரும் என்றும் தெரிவிக்கப்பட்டுள்ளது.
Navi Mumbai,Thane,Maharashtra
October 08, 2025 4:23 PM IST
